Paunak 27:24 - Tedim Bible

²⁴ Bang hang hiam cih leh neihsa kip tawntung lo a, hauhna pen a khangkhangin kizom suak lo hi.

Tedim Bible Revision 2017

²⁴ Bang hang hiam cih leh neihsa kip tawntung lo a, hauhna pen a khangkhangin kizom suak lo hi.

Paunak 27:24 Referans Kwoze

Paunak 23:5

Na ngahsa uh sumte mitphiat kalin beimang thei a, muvanlai bangin thakhatin leengmang thei hi.

Isaiah 9:7

Tuhun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Jeim 1:10

Mihaute zong a niam uh ciangin lungdam veve uh hen. Lopa pak bangin a mangthang veve ding ahi uh hi.

Zefaniah 1:18

Topa’ heh thuk ni hong tun ciangin a ngun le a khamte un amaute honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitung a teng mi khempeuh a sumai ding hi.

Late 89:36

Ama suanlekhakte kizom paisuak ding a, vana ni a taan laiteng a kumpi gam ka kipsak ding hi.

2 SAMUEL NIHNA 7:16

Na suanlekhakte le na kumpi gam keima mai-ah a kip tawntungin kibawl ding a, na kumpi tokhom kip tawntung ding hi,’ ci-in gen in,” a ci hi.

JOB (Job) 19:9

Amah in ka hauhna khempeuh hong lakkhiatsak a, ka min hoih kimlai hong siasak hi.

Late 89:39

Na nasempa tawh na thuciamna na pelh khin a, ama kumpi lukhu leivui lakah na paihsak hi.

Jeremiah 13:18

Topa in kei kiangah, “Kumpipa le a nu kiangah, ‘Na kumpi tokhomte tung panun hong tuaksuk un. Bang hang hiam cih leh na kumpi lukhute uh na lu tung uh panin kia khinzo hi,’ va ci in.

Kah la 5:16

Kisaktheihna ding bangmah om nawn lo a, mawh ihih manin gimna a thuak ihi hi.

Ezekiel 21:26

Topa Pasian in hih bangin ci hi: Na kumpi lukhu le na dialkhip lakhia in. Nidang bang nawn lo ding hi. Mineute hong lian ding a, miliante hong neuta ding hi.

1 SAMUEL MASA 13:14

Ahih hangin tu-in na ukna kizomsuak lo ding a, Topa in ama lungsim bangin mi khat zong khin hi. Topa in nang hong thupiak zui lo na hih manin ama mite tungah ulian dingin Topa in amah seh khin hi,” a ci hi.

Paunak 23:4

Hauhnop man bekin sum’ sila suak kei unla, a man loin gamtakha kei un.

Thuhilh-sia 5:13

A hoih het lo na khat hih leitungah ka mu hi: Mite amau’ lunggim nadingin hau uh hi.