Paunak 27:22 - Tedim Bible

²² Mihai khat a sih dek dongin na satsat hangin a hai ngei mahin hai veve lai ding hi.

Tedim Bible Revision 2017

²² Mihai khat a sih dek dongin na satsat hangin a hai ngei mahin hai veve lai ding hi.

Paunak 27:22 Referans Kwoze

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na sukgawp hangin na thuhilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Paunak 23:35

“Hong vuak hangun ka liam kei a, hong sat hangun ka phawk kei hi. Ka pilvang ciangin zu ka ne kik ding hi,” na ci ding hi.

Isaiah 1:5

Bang hangin note hong kisat theih nadingin lehdo teitei na hi uh hiam? Israel aw, na lutang khempeuh liamma dim a, na lungsim le na ngaihsutna gim mahmah hi.

Paikhiatna 12:30

Tua zanin Faro le a nasemte khempeuh le Egypt mite khempeuh tho uh a, Egypt gam sungah kahna lianpi a om hi. Bang hang hiam cih leh khat beek a sihlohna inn khat zong om lo hi.

Paikhiatna 14:5

Mite tai khinzo hi, ci-in Egypt kumpipa kiangah a kigen ciangin, Faro le ama nasemte’ ngaihsutna kikheel a, amaute in, “Eite’ na hong sep nading panin Israel mite i paikhiatsak, hih banga i gamtat bang hi mawk ahi hiam?” ci uh hi.

Paikhiatna 15:9

Galte in, ‘Ka delh ding a, ka pha ding hi. A nate uh ka hawm ding a, ka deih zahzahin, tuate ka tang ding hi. Ka namsau ka dok ding a, ka khut in amaute susia ding hi,’ ci hi.

Paunak 26:11

Ui in a luak a zuatkik bangin mihaite zong a haitat ngei bangin ta kik zel hi.

Jeremiah 13:23

Ethiopia mivomte in a vun uh khek thei a, kamkei in a gial khek thei ahi hiam? A khek theih uhleh siatna bawl ding a zongsang khin note in zong a hoih na bawl thei ding uh hi.

1 SAMUEL MASA 19:21

Hih thu Saul kiangah a kigen ciangin, amah in midang sawl leuleu a, amaute zong laamin awng leuleu uh hi. Tua ciangin Saul in mi a thum veina sawl a, amaute zong tua bangmah hi veve uh hi.

1 KUMPI MASATE 13:33

Hih thu khit ciangin zong ama gamtat sia panin Jeroboam kihei tuan lo a, mite khempeuh sung panin mualtung a biaknate-a sem ding siampite bawlkik hi. Amah in a sem nuam peuhpeuh mualtung a biakna siampi dingin a ap hi.

Paunak 14:24

Pilna pen mipilte’ minthanna lukhu hi a, haina pen mihaite’ kizepna bulpi ahi hi.