Paunak 27:10 - Tedim Bible

¹⁰ Na lawmte daangkoih kei inla, na pa’ lawmte dong nangawn lawm bawl in. Na lungkham ciangin na sanggampa va ko kei in. A gamla-ah a om i sanggampa sangin a nai-ah a om i vengpa kimangzaw hi.

Tedim Bible Revision 2017

¹⁰ Na lawmte daang koih kei inla, na paʼ lawmte dong nangawn lawm bawl in. Na lungkham ciangin na sanggampa va ko kei in. A gamla ah a om i sanggampa sangin a nai ah a om i veengpa kimang zaw hi.

Paunak 27:10 Referans Kwoze

Paunak 18:24

Lawm pawlkhatte sauvei kimang lo a, lawm pawlkhatte sanggam sangin kipzaw hi.

Paunak 17:17

Lawm citak in a tawntungin hong it a, i sanggamte pen i lungkhamna a hong thuakpih dingin a piang ahi hi.

Paunak 19:7

Mi khempeuh in a sanggam zawng pa uh mudah ciat ahih manin a lawmte in a taisatna a thu lamdang hi lo hi.

2 SAMUEL NIHNA 19:24

Tua ciangin kumpipa a dawn dingin Saul’ tupa Mefibosheth hong paisuk hi. Kumpipa a paikhiat ni a kipan lungnuamin hong tunkik ni dong, amah in a khete zem lo, a khamul puah lo, a puante zong sawp lo hi.

2 SAMUEL NIHNA 21:7

Ahih hangin kumpipa in amah le Saul’ tapa Jonathan’ kikalah a om, Topa tawh kiciamna hangin Jonathan’ tapa, Saul’ tupa Mefibosheth a siit hi.

Sawltak 23:12

A zing ciangin Jew mite pawlkhat kikhawm uh a, Paul i thahkhit ciang bekin anne tuidawn pan ding hi hang, ci-in kiciamna a nei uh hi.

Jeremiah 2:5

Topa in hih bangin ci hi: “Na pute na pate uh kei kiang panin gamlapi-ah paikhia-in, bangmahin a kimang lo milim peuh bia-in, amau mahmah zong bangmahin a kimang lo a suah khit nadingun kei tungah bang mawhna hong mu uh ahi hiam?

2 KHANG TANGTHU NIHNATE 24:22

Tua bangin kumpipa Joash in Zekhariah’ pa Jehoiada in ama tungah a lah dikna phawk nawn loin ama tapa thahsak mawk hi. Amah in a sih ding ciangin, “Topa in mu hen la thuk ta hen!” a ci hi.

2 SAMUEL NIHNA 19:28

Bang hang hiam cih leh ka to kumpipa’ mai-ah ka pa’ innkuante khempeuh a si zah dong dingin a sia ahi hi. Ahih hangin nangmah in na sabuai-ah a ne mite lakah na nasempa na hong koih hi. Tua ahih ciangin kumpipa tungah ka koh ding thudang bang neithuah nawn ding ka hi hiam?” a ci hi.

Thu-hilhkikna 22:1

“Na mipihte’ bawngtal ahi a, a tuu ahi zongin a gammang na muh uhleh huh loin na om kei ding uh hi. A nei pa kiangah na ciahpih kik ding uh hi.