Paunak 27:1 - Tedim Bible

¹ Zing ciang hun ading kima-sialh kei in. Tuhun le tua hun kikalah a piang ding thu bangmah na thei kei hi.

Tedim Bible Revision 2017

¹ Zing ciang hun ading kima-sialh kei in. Tu hun le tua hun kikalah a piang ding thu bangmah na thei kei hi.

Paunak 27:1 Referans Kwoze

2 KORIN NIHNA 6:2

Bang hang hiam cih leh Pasian in, “A hunhoih a tun ciangin note’ hong ngetna ka hong ngai a, kong hotkhiat ni ding ciangin note ka hong huh hi,” na ci hi. Tua hi a, tuhun pen a hunhoih hi a, tuhun pen hotkhiat ni hun hita hi.

1 SAMUEL MASA 28:19

Tua tham loin Topa in Israel mite zong nang tawh Filistia-te’ khut sungah hong piakhawm ding hi. Zing ciangin nang le na tapate in zong kei kiang nong zuan ding uh hi. Topa in Israel galkapte zong Filistia-te’ khut sungah pia ding hi,” a ci hi.

Isaiah 56:12

Amaute in, “Hong pai un, leenggahzu nene ni; khamtheihzu dawndawn ni. Zing ciangin zong tuni sangin nuamzaw lai ding hi,” a ci uh hi.

Late 95:7

Bang hang hiam cih leh amah pen eite’ Pasian hi a, eite pen ama hong kep mite le ama khutsunga om a tuute ihi hi. Tuni-in hih bangin ama hong thugen za un:

1 KUMPI MASATE 20:11

Tua ciangin Israel kumpipa in dawngin, “Ama kiangah gen un: ‘Gal a zawh khit ciangin galhiam a suahkhia pa bangin galsim dingin galhiam a kuah lai pa kiphasak kei hen,’ ci un,” a ci hi.

Esther 5:12

Tua ciangin Haman in, “Tua tengbek hi nai lo lai hi. Kumpinu Esther nangawn in ama bawlsa an kumpipa tawh a nekhawm dingin kei simloh midang kuamah paisak lo hi. Zing ciangin zong kumpipa tawh kei hong samkhawm hi.

Thuhilh-sia 8:7

A hong piang ding thu i thei kei a, a hong gen thei zong kuamah om lo hi.