Paunak 26:26 - Tedim Bible

²⁶ Ama hoih lohna a ip nop hangin mi khempeuh in ama gitlohna thei veve hi.

Tedim Bible Revision 2017

²⁶ Ama hoih lohna a ip nop hangin mi khempeuh in ama gitlohna thei veve hi.

Paunak 26:26 Referans Kwoze

1 SAMUEL MASA 18:17

Tua ciangin Saul in David kiangah, “Hih lai-ah ka tanu uzaw Merab om hi. Nang tungah zi dingin kong pia ding hi. Kei a dingin hang peuh inla, Topa’ gal do in,” a ci hi. Bang hang hiam cih leh Saul in, “Keima khut sungah amah si loin Filistia-te’ khut sungah si hen,” ci-in ngaihsun hi.

1 SAMUEL MASA 18:21

Saul in, “Ama a dingin ka tanu pen thangzak ahih theih nading le Filistia-te’ khut sungah a sihtheih nadingin ama tungah ka tanu pia ning,” ci-in ngaihsun hi. Tua ahih ciangin Saul in David kiangah a nih veina genin, “Nang pen tu-in ka makpa na hi ding hi,” a ci hi.

Piancilna 4:8

Kain in a sanggampa Abel kiangah, “Gamlakah vak ni,” ci hi. Amaute gamlakah a om ciangin Kain in a sanggampa Abel a that hi.

Mattiu 23:28

Tua mah bangin note zong mite’ muhin mihoih mahmah bang napi-in na sung tawng taktak uhah mawhna le kineihkhemna bek a om hi.

Luka 8:17

Bang hang hiam cih leh, thusimin a kikoih peuhmah, khatvei teitei thulang a suak lo ding, a kiselcip peuhmah, khatvei teitei a kipholak lo ding, bangmah om lo hi.

Paunak 10:9

Thuman mite lungnuamin om hithiat a, thuman lote kiman hi.