Paunak 26:24 - Tedim Bible

²⁴ A simtat mi in a kampi bek tawh thuhoih gen a, a lungsimah zuauthu bek om hi.

Tedim Bible Revision 2017

²⁴ A sim tat mi in a kampi bek tawh thuhoih gen a, a lungsimah zuau thu bek om hi.

Paunak 26:24 Referans Kwoze

Paunak 12:20

Thusia ngaihsunte lungkham uh a, thuhoih vaihawmte lungdam uh hi.

Paunak 10:18

Mi a mudahte bek in zuauthu gen a, mi a gensiate mihai ahi hi.

Late 41:6

Keimah a en dingin mi hong pai ciangin, kam mawkna a pau uh hi. A lungsim uhah siatna kaikhawm uh a, a paikhiat uh ciangin a genthang uh hi.

Paunak 14:8

Thungaihsun theite a pilna in lampi man musak a, mihaite a haina in lam khialsak hi.

Paunak 12:17

Thuman mite in thu taktak mah gen uh a, zuau tecite in khemna thu bek gen uh hi.

Paunak 12:5

Thuman mite in a kilawm a kituakin hong bawl a, migilote bek in hong khem nuam hi.

Paunak 11:1

Tawikhaina man lo a zangte Topa in mudah a, tawikhaina man a zangte tungah Topa lungkim hi.

Paunak 23:7

“Ne ne un,” hong cih hangin a cih takpi hi lo hi. Bang hang hiam cih leh na dangtawng a hong sun samzang nekkhak tawh kibang ding hi.

Jeremiah 9:4

Mi khempeuh a inn vengte uh kidawm uh hen la, a sanggamte uh muang kei uh hen. Bang hang hiam cih leh sanggamte khem hat ciat uh a, inn vengte khempeuh zong gensiat hat ciat uh hi.

Piancilna 34:13

Shekhem in a sanggamnu uh Dinah siasak khin ahih manin Jakob’ tapate in Shekhem le a pa Hamor khemna tawh dawng uh hi.

1 SAMUEL MASA 18:17

Tua ciangin Saul in David kiangah, “Hih lai-ah ka tanu uzaw Merab om hi. Nang tungah zi dingin kong pia ding hi. Kei a dingin hang peuh inla, Topa’ gal do in,” a ci hi. Bang hang hiam cih leh Saul in, “Keima khut sungah amah si loin Filistia-te’ khut sungah si hen,” ci-in ngaihsun hi.

2 SAMUEL NIHNA 13:26

Tua ciangin Absalom in, “Tua bang hi lo ding ahihleh ka sanggampa Ammon kote tawh nong paisak ding kong thum hi,” a ci hi. Tua ciangin kumpipa in ama kiangah, “Bang hangin nang tawh amah hong pai ding ahi hiam?” a ci hi.

2 SAMUEL NIHNA 13:27

Ahih hangin Absalom in Ammon le kumpipa’ tapate khempeuh amah tawh a paisak mateng ci teitei hi.

2 SAMUEL NIHNA 20:9

Tua ciangin Joab in Amasa kiangah, “Ka sanggampa aw, bang cici na hi hiam?” a ci hi. Tua ciangin Joab in amah a hopih kawmin a taklam khut tawh a khamul-in Amasa man hi.

Nehemiah 6:2

Sanballat le Geshem zong Ono zanglei sunga om Hakkofirim khua-ah pai-in amaute tawh thu a kikum dingin hong sam uh hi. Hih pen kei hong suksiat nopna uh ahi hi.

Late 12:3

“I Leii tawh gualzo ding, i mukte eima neihsa; i to kua hiam?” a ci vial, kiphatsakna a piangsak leii, phat khemna muk khempeuh, Topa in atkhia tahen.

Late 28:3

Amau’ lungsim sungah siatna a om hinapi a vengte tawh kilemna thu a gen khem, siatna bawlte, migilote tawh kei hong lakhiakhawm kei in.