Paunak 26:12 - Tedim Bible

¹² A pil lo kimlai a pil a kisapa sangin mihaite a dingin lametna omzaw lai hi.

Tedim Bible Revision 2017

¹² A pil lo kimlai a pil a kisa pa sangin mihaite adingin lametna om zaw lai hi.

Paunak 26:12 Referans Kwoze

Paunak 29:20

Thu ngaihsun loin a pheng paupau mipa sangin mihai pa a dingin lametna omzaw lai hi.

ROM (Romans) 12:16

Mi deidan loin a kibangin en un. Kiphasak loin mineute tawh kikhawlthei unla, kipilsak se kei un.

Paunak 28:11

Mihau pa pen amah pil kisa a, ahi zongin a zawng mi pil pa in a hau pa’ haina phawkkhia veve hi.

Mangmuhna 3:17

Note a zawng, a mittaw, puansilh ding a nei lo, a hehpihhuai, a lungkhamhuai na hih lamtak uh thei loin, kote hau-in ka cithei uh a, bangmah kisapna ka nei kei uh hi, na ci uh hi.

Mattiu 21:31

Hih tapa nihte sung panin a koi bel pen a pa’ deih bangin gamta ahi hiam?” a ci hi. Amaute in, “A ta uzaw a ta hi,” a ci uh hi. Tua ciangin Jesuh in amaute kiangah, “Note kiangah a mantak a kong genin-ah: Pasian’ ukna sungah note sangin siahdongte le numei paktatte lut masazaw ding hi.

Paunak 26:5

Mihaite a pilin a kingaihsut khak loh nadingin amau’ haina tawh kizui-in dawng zaw in.

Luka 18:11

Farisi mipa dingin thu ngen a, ‘Pasian aw, kei pen midangte bangin a huaiham, a thuman lo, numei tungah a mawh mi ka hi kei hi; hua lai-a siahdongpa bang hi lo ka hih manin nangma tungah ka nuamna kong pulak hi.

Luka 7:44

Tua ciangin numei lamah Jesuh kihei a, Simon kiangah, “Hih numei’ gamtatna na mu hiam? Na inn-ah kong pai a, ka khe sil nading tui nong pia kei hi. Ahi zongin amah in a khitui tawh ka khe hong silsak a, a sam tawh hong nulkeusak hi.

Paunak 26:16

A kilawmin thu a dawngthei mihing sagih sangin mi thadahpa a ngaihsutna-ah pil kisa zaw hi.

Paunak 22:29

A nasepna-ah a siam mahmah mi na theikha uh hiam? Amah in mi mawkmawkte’ na sem lo ding a, kumpite’ na sem ding hi.

Paunak 3:7

Nangmah a pilin kingaihsun tawm kei inla, Topa zahtakin a sia peel in.

Johan 9:41

Jesuh in, “A mittaw hi le-uhcin mawhna tawh na kipelh ding uh hi. Ahi zongin khua mu thei ung, ci na hih manun na mawhna uh a ngei mahin a omlai ahi hi,” ci-in a dawng hi.

Paunak 12:15

Mihaite pen amau mah thuman kisa tawntung a, mipilte in mi’ thugenna ngai nuam uh hi.

Paunak 28:26

Ei le ei kimuanna haina hi a, mipilte’ hilhna zuihna pen lungmuanna ahi hi.

Isaiah 5:21

Amau’ mitah pil kisa a, amau’ muhna-ah siam a kisate in gimna ngah ta hen!