Paunak 24:9 - Tedim Bible

⁹ Mihaite’ vaihawmna in khialhna bek piangsak lel a, mi a simmawh theite midangte in mudah uh hi.

Tedim Bible Revision 2017

⁹ Mihaiteʼ vaihawmna in khialhna bek piangsak lel a, mi a simmawh theite midangte in mudah uh hi.

Paunak 24:9 Referans Kwoze

Mattiu 15:19

Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktakna, zuau genna, mi gensiatna, le ngaihsut hoih lo a tuamtuam hong piangkhia hi.

2 KORIN NIHNA 10:5

Mite’ ngaihsutna a man lote ka thalnial gawpzo uh a, Pasian’ thu theih nading a khaktan thei nate ka susiagawp uh a, mi khempeuh’ ngaihsutna zo gawpin Khrih’ thu a mang dingin ka bawl uh hi.

Isaiah 55:7

Migilo in ama gitlohna nusia hen la, thuman lo mi in ama ngaihsutna nusia hen. Amah in a hehpih theih nadingin Topa eite’ Pasian’ kiangah amah paisak un. Bang hang hiam cih leh a mawhna maisiangsak ding hi.

Sawltak 8:22

Tua ahih manin na ngaihsut hoih lohna panin kisikkik inla, hih bang na ngaihsutna thu-ah na mawhna hong maisak theih nadingin Topa kiangah thu ngen in.

Mattiu 9:4

Ahi zongin Jesuh in amaute’ ngaihsutna thei ahih manin, “Bang hangin a sialamin ngaihsun na hi uh hiam?

Paunak 29:8

Thu a khual lote in khua sungah buaina lianpi piangsak a, mipilte in tua buaina daisak thei hi.

Paunak 24:8

Thusia lamsang a deih mite thusia bawl mi kici hi.

Mattiu 5:28

Ahi zongin ke’n kong genin-ah: Mawhpih nopna lungsim tawh numei khat a en mi peuhmah in a lungsimah tua numei tawh a mawh ahi hi.

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawpkhia in. Na sungah gitlohna lungsim bang tanvei kemcip ding na hi hiam?

Piancilna 6:5

Leitungah mihing a gitlohna a liatna le mihing lungsim ngaihsutna peuhmah a sia ahih ngitngetna thu Topa in mu hi.

Paunak 23:7

“Ne ne un,” hong cih hangin a cih takpi hi lo hi. Bang hang hiam cih leh na dangtawng a hong sun samzang nekkhak tawh kibang ding hi.

Paunak 22:10

Mi kiphasakte hawlkhia lecin kitotna le kisimmawhna bei pah ding hi.

Late 119:113

Nangma tungah a thuman lote ka mudah a, ahih hangin keimah in nangma thu ka deih hi.

Piancilna 8:21

Topa in a namtui gimnam a zak ciangin, a lungsim sungah, “Mihing’ gamtatna hangin leitang ka samsia kik ngei nawn kei ding hi. Bang hang hiam cih leh mihing’ lungsim ngaihsutna pen a tangval lai panin a gi lo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi.

Paunak 9:7

Mihaite thuhilh lecin hong maizumsak ding a, migilote thuhilh lecin hong sugawp ding hi.

Paunak 21:24

Mi kihisak i cihte pen kilian sakin a kiphasak mite ahi hi.