Paunak 24:22 - Tedim Bible

²² Tua bang mite thakhatthu-in kisugawp thei ding hi. Pasian le kumpipa’ piansak theih ding gimna kuamah in genkhol thei lo hi.

Tedim Bible Revision 2017

²² Tua bang mite thakhat thu-in kisu gawp thei ding hi. Pasian le kumpipaʼ piansak theih ding gimna kuamah in gen khol thei lo hi.

Paunak 24:22 Referans Kwoze

Hosea 5:11

Israel in zong gimna thuakin a cimawh hita hi; bang hang hiam cih le kei kiangah hong pai nuam loin piak ding bangmah a nei lote kiangah huhna ngen dingin pai hamtang hi.

Late 90:11

Nang hong kizahtak nadingin na sinsona’ vangliatna kua in thei a, na hehna’ husiatna kua in thei ahi hiam?

Paunak 20:2

Kumpipa’ hehna pen a lauhuai mahmah humpinelkai hawk bang hi a, kumpipa a hehsak khate in sihlawh uh hi.

Paunak 16:14

Kumpipa heh leh mi khatpeuh in sihlawh thei a, mipil khat in kumpipa lungdamsak thei hi.

Paunak 6:15

Tua ahih manin theihkholh lohin ama tungah lungkhamna tung ding a, bawlkikzawh nawn loh dongin siatna ngah ding hi.

Paunak 24:16

Mihoihte sagihvei dong a puk hangin tho kikkik thei a, migilote ahihleh tuahsiatna thuakin kithallot hi.

1 KUMPI MASATE 1:49

Tua ciangin Adonijah’ leenglate khempeuh ling uh a, dingin amau’ mun ciatah a ciah uh hi.

Thuhilh-sia 9:12

Mihing in ama hun ding thei ngei lo hi. Thangah a awk vasate le ngen-ah a awk ngasate tawh i kibang hi. Lamet loh hun laitak keekin hunsia sungah mihingte i tung hi.