Paunak 24:21 - Tedim Bible

²¹ Ka ta aw, Topa le kumpipa zahtak khawm inla, amau a langpangte tawh kipawlkha kei in.

Tedim Bible Revision 2017

²¹ Ka ta aw, Topa le kumpipa zahtak khawm inla, amau a langpangte tawh kipawl kha kei in.

Paunak 24:21 Referans Kwoze

Titu 3:1

Na mite in hong uk kumpite le aana neite’ thu mangin, thuhoih khempeuh a sem dingin a kigingsa-in a om ding uh phawksak inla,

1 KUMPI MASATE 12:16

Kumpipa in amau’ thu a ngaih lohna Israel-te khempeuh in a muh uh ciangin mite in kumpipa dawng uh a, “David sungah kote in bang ngah nei ka hi uh hiam? Jessi tapa sungah gamhluah ka nei kei uh hi. Israel-te aw, na inn ciat uhah ciah un. Rehoboam in ama a’ ding vaihawmtawm ta hen,” a ci uh hi. Tua ahih ciangin Israel-te a inn ciat uhah kihem uh hi.

Mattiu 22:21

amaute in, “Sisar’ lim le a min kigelh hi,” a ci uh hi. Tua ciangin Jesuh in amaute kiangah, “Sisar’ nate Sisar’ tungah na pia unla, Pasian’ nate Pasian’ tungah na pia un,” a ci hi.

Paikhiatna 14:31

Israel mite in Egypt mite’ tungah Topa’ bawl nasepna lianpi mu uh a, mite in Topa a zahtak uh hi. Amaute in Topa le ama nasem Moses a um uh hi.

1 SAMUEL MASA 24:6

Amah in a mite kiangah, “Amah pen Topa’ sathau nilh pa hi, ci-in a thei gegupi-in ama tungah ka khut ka ngak ding, Topa’ sathau nilh pa ahi ka topa tungah hih bang ka hih ding Topa in hong kham hi,” a ci hi.

2 SAMUEL NIHNA 18:8

Tua gam maitang tung khempeuhah galkikapna omkim hi. Tua ni-in namsau’ thah sangin thudang hangin tulakah a si mi tamzaw hi.

1 KUMPI MASATE 1:49

Tua ciangin Adonijah’ leenglate khempeuh ling uh a, dingin amau’ mun ciatah a ciah uh hi.

Paunak 17:11

Thusia bekbek a deih tawntung migilote kiangah, a gilo kamtai pa bangin sihna tung ding hi.

Paunak 23:17

Mawhnei mite engkha kei inla, Topa zahtakna zom paisuak in.