Paunak 24:2 - Tedim Bible

² Amaute in tatsiat ding bek ngaihsun uh a, thusia bekbek genin nei uh hi.

Tedim Bible Revision 2017

² Amaute in tatsiat ding bek ngaihsun uh a, thusia bekbek genin nei uh hi.

Paunak 24:2 Referans Kwoze

Late 10:7

Ama kampaute pen hamsia, khemna, le netniamna tawh kidim a, siatna le man lohna bekbek thugenin a nei tawntung hi.

Late 7:14

Migilo in thusia paii a, suak nuamin na a, zuauthu a hingkhia hi.

Late 28:3

Amau’ lungsim sungah siatna a om hinapi a vengte tawh kilemna thu a gen khem, siatna bawlte, migilote tawh kei hong lakhiakhawm kei in.

Isaiah 59:4

Kuamah in thutang tawh thu na nei kei uh a, thuman tak tawh thukhen zumah na pai kei uh hi. Note in bangmah lopi suanin nei-in zuauthu na gen uh a, siatna ding thu ngaihsunin buaina na piangsak uh hi.

JOB (Job) 15:35

Mihingte in siatna ding bek ngaihsunin sem uh a, mi khem ding bekbek ngaihsun niloh uh hi,” a ci hi.

Sawltak 13:10

“Dawimangpa tawh a kibang mipa aw, thuhoih khempeuh nialin, gitlohna ngian tuamtuam na nei a, Topa’ thuman pen zuau suahsak ding na hanciam tawntung hi.

1 SAMUEL MASA 23:9

Saul in ama tungah a sia a sawmna David in thei hi. Amah in a siampi Abiathar kiangah, “Hih lai-ah siampipuan hong paipih in,” a ci hi.

Micah 7:3

A sia lama gamtat ding siam mahmah uh a, uliante le thukhente in sumgolh ngenin, miliante in amau’ deihteng pulak uh a, kipawlin vaihawm khawm uh hi.

Paunak 6:14

A lungsimah thusia bekbek ngaihsun niloh a, a omna peuhah buaina a piangsak hi.

Late 140:2

Amaute in a lung sung uhah thusia geelgeel uh a, gal phuang ngitnget uh hi.

Late 36:4

A lupna tungah lumin siat gamtat ding a ngaihsun hi. Hoih lohna lamah amah kibulhtawm a, amah in siatna nolh lo hi.

Paunak 24:8

Thusia lamsang a deih mite thusia bawl mi kici hi.

Late 38:12

Kei a hong that nuamte in a thang uh zak a, kei’ natna ding a zongte in siatna ding thu bek gen uh a, sunthapai-in khemna bekbek ngaihsutin nei uh hi.

Paunak 6:18

thusia bawl ding ngaihsutna, gamtatsiat ding a manlangte,

Isaiah 30:12

Tua ahih ciangin Israel-te’ Siangtho Pa in, “Note in hih thu simmawhin, zawhthawhna le khemna suangin, tuate muang na hih manun,

Jeremiah 22:17

Ahih hangin note in thuman lo tawh ngahna ding ahi zongin, mimawh lote’ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Paunak 1:10

Ka ta aw, mi hoih lote in nang hong zol ciangin, amau’ zolna zui kei in.