Paunak 24:12 - Tedim Bible

¹² Ke’n theikha kei ing, na cihnop hangin lungsim a thei Pasian in theitel veve hi; nang hong encik Pasian in hong teltheihna phawk in. Mi khempeuh a gamtatna bangin a thukkik ding hi.

Tedim Bible Revision 2017

¹² Keʼn thei kha kei ing, na cih nop hangin lungsim a thei Pasian in thei tel veve hi; nang hong encik Pasian in hong tel theihna phawk in. Mi khempeuh a gamtatna bangin a thukkik ding hi.

Paunak 24:12 Referans Kwoze

JOB (Job) 34:11

Pasian in a gamtatna tawh kizui-in mite tungah thaman pia a, a thuak dingun a kilawm bangin gim a pia hi.

Mangmuhna 2:23

Tua numei’ thu a zui mi khempeuh ka that ding hi. Tua hileh, mihingte’ ngaihsutna le lungsim a kantel pa ka hihna thu pawlpi khempeuh in thei ding uh hi. Note’ gamtatna ciat tawh kizui-in ka hong thukkik ding hi.

ROM (Romans) 2:6

Bang hang hiam cih leh Pasian in mi khempeuh a gamtatna uh tawh kizui-in thukkik ding hi.

Paunak 21:2

Na gamtatna khempeuh nangmah in man na sak hangin Topa in na lungsim tawng a ettelna phawk in.

Jeremiah 17:10

Keimah Topa in mi khempeuh’ nuntakzia le a gamtatna tawh kizui-in a piakhia dingin ngaihsutna ka entel a, lungsim ka sittel hi,” a ci hi.

Thuhilh-sia 5:8

Kumpite in mizawngte gim ngahsakin, thuman thutangin na a kisep kei leh lamdang sa kei in. Uliante pen amau’ tunga uliante in en uh a, tuate’ tungah a ensawn a lianzaw khat omlai hi.

Late 121:8

Topa in tua kipan a tawntungin na vaksuk na vaktohna-ah nang hong kem ding hi.

Late 121:3

Amah in ka khe taalsak lo ding a, kei hong kem pa lusu lo ding hi.

1 SAMUEL MASA 16:7

Ahih hangin Topa in Samuel kiangah, “A tungtham hitaleh a tun sanna hitaleh en kei in. Bang hang hiam cih leh amah ka nolh hi. Topa in mihingte’ muh bangin mu lo hi. Mihingte in a pualam a kilangte en a, ahih hangin Topa in a lungsim en hi,” a ci hi.

Late 62:12

Topa aw, itna kip nangma a’ ahi hi. Bang hang hiam cih leh a sepna bang ciatin mite na thuk hi.

Late 17:3

Keima lungsim hong sin inla, zan hun sungin ka kiangah hong hawh inla, keimah hong ze-et lecin, ka sungah gitlohna na mu kei ding hi. Ka kampau-in zong bangmah ka khial kei hi.

Mangmuhna 22:12

Tua ciangin Jesuh in, “Kei ka hong pai baihta ding a, mi khempeuh a gamtatna uh tawh kizui-in a thaman ding uh ka hong puak ding hi.

Mangmuhna 2:18

“Thiatira khua pawlpi vantungmi kiangah lai gelh inla, meikuang tawh a kibang mittang nei-in sumngo kihalsan tawh a kibang khe a nei Pasian’ Tapa’ thugen in:

Mangmuhna 1:18

a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.

2 KORIN NIHNA 5:10

Bang hang hiam cih leh Khrih mai-ah thusitna a thuak dingin eite khempeuh a kilak ding ihi a, leitung i pumpi-in i omlai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

ROM (Romans) 2:16

Tua ahih ciangin Pasian in mihingte lungsim sunga a ngaihsutnate uh, Jesuh Khrih thu a khensak Ni ciangin, tu-a ka hong gen bang teekteekin a hong piang ding ahi hi.

Sawltak 17:28

Mi khat in, ‘Pasian hangin eite piangin, hingin i gamtang hi,’ ci-in gen a, note sung panin laphuah siampa khat in zong, ‘Eite zong ama tate ihi hi,’ na na ci hi.

Mattiu 16:27

A Pa’ minthanna vang le a vantung mite tawh Mihing Tapa hong paikik ding a, mi khempeuh amau’ gamtatna ciat tawh a kizui-in a thuk ding hi.

Daniel 5:23

Vantung Topa’ langah na pang hi. A biakinnpi hai le kuangte la-in sabuai tungah nangmah tawh, na miliante tawh a zineute le na zite uh tawh zunekna-in na zang uh hi. Theihna a nei lo, a mu thei lo, khua a za thei lo ngun, kham, sumngo, sik, sing, le suang tawh a kibawl pasian-te’ min na phat uh hi. Na nuntakna le na hihna khempeuh a hong uk Pasian na zahtak kei hi.

Jeremiah 32:19

na ngimnate lian mahmah a, na sepnate thupi mahmah hi. Mite’ nuntak zia khempeuh na mu a, amau’ nuntak dan le a sepna tawh kizui-in mi khempeuh tungah thaman na pia kim hi.

Paunak 5:21

Bang hang hiam cih leh Pasian in na gamtatna khempeuh hong mu a, na paina khempeuhah nang hong en kawikawi hi.

Late 44:21

Pasian in hih thu mukhia lo ding ahi hiam? Bang hang hiam cih leh amah in lungsim thusim a thei hi.

Late 7:9

Lungsim le ngaihsutna a en a thuman Pasian aw, migilote’ siatna beisak inla, mi thumante kipsak in.

1 SAMUEL MASA 25:29

Nangmah delhin hong that dingin mite hong kipat leh, nang pen Topa na Pasian’ kepna sung a hing mite lakah na om ding a, amah in suanglotna tawh lotkhiat bangin na galte lawnkhia ding hi.

1 SAMUEL MASA 2:6

Topa in thatin hingsakkik a, amah in Leinuai-ah paipih sukin thotosak hi.

1 SAMUEL MASA 2:3

Tua bangin kiphatsakna tawh pau nawn kei inla, na kamsung pan kihihsakna gingkhiasak kei in. Bang hang hiam cih leh Topa pen a thei Pasian hi a, amah in gamtatnate a tawi khai hi.

Late 94:9

I bil a bawlpa in khua za lo ding ahi hiam? I mit a piangsak pa in khua mu lo ding ahi hiam?

Paunak 12:14

Mite in kam hoih pauna hangin thaman ngah uh a, a sepna bangun zong thaman ngah uh hi.

Paunak 5:22

Migilo pa’ mawhna thangzak bang hi a, ama mawhna thang sung mahah amah a awk hi.

Paunak 16:2

Mihingte pen a gamtatna uhah man kisa a, ahi zongin Topa in a khenna khat na om hi.

Kah la 3:36

zum thukhenna-ah a manin thu a kikhen loh ciangin, amah in a hong thei veve hi.