Paunak 23:23 - Tedim Bible

²³ Thuman, pilna, siamna, thungaihsut theihna lei in; zuakkhiat dingin tuate pammaih lua hi.

Tedim Bible Revision 2017

²³ Thuman, pilna, siamna, thungaihsut theihna lei in; zuak khiat dingin tuate pammaih lua hi.

Paunak 23:23 Referans Kwoze

Paunak 18:15

Thungaihsun theite in a pilna uh behlap a, pilna a ngah nadingun mipilte in a bil uh tawh limtakin ngai uh hi.

Mattiu 13:44

“Vantung ki-ukna pen lolai-ah a kiseel sum tawh kibang hi. Mi khat in a muh ciangin limtakin a seelpha hi. Amah lungdam mahmahin a inn-ah ciahpah a, a neih khempeuh a zuak khit ciangin tua lo a lei hi.

Late 119:72

Nangma kam sung pana thu pen kham le ngun tul tampite sangin kei a dingin hoihzaw hi.

Paunak 16:16

Kham sangin pilna hoihzaw a, ngun sangin thutheihna deihhuai zaw hi.

Hebru 11:26

Mailamah a thaman ding mukhol thei ahih manin Egypt gam sunga hauhna le nopsaknate khempeuh sangin Khrih hangin simmawhna thuak taakzaw tham hi, ci-in a ngaihsun hi.

Isaiah 55:1

A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.

Paunak 10:1

Hihte pen Solomon’ paunakte ahi hi: Ta pil in a pa lungdamsak a, ta hai in a nu dahsak hi.

Late 119:127

Tua ahih ciangin khamte, le kham hoihpente sangin nangma thupiakna ka deihzaw hi.

Mangmuhna 3:18

Tua ahih manin na hauhtheih nadingun kei kiang panin kham citak hong lei-in a zumhuaipi-in guaktanga na omna uh na kisel nadingun puanpak hong lei unla, khua na muhtheih nadingun mit zatui hong lei un.

Mattiu 16:26

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam? A nuntakna bang tawh leikik thei nawn ding ahi hiam?

Mattiu 13:46

Sumbawlpa in a manpha diak pawl kep khat a muh ciangin ciahpahin a neih khempeuh a zuak khit ciangin tua kep a lei hi.

Paunak 17:16

Mihai pa in thu ngaihsun thei lo ahih manin pilna zonna ding sum tampi a zat hangin a phattuamna om lo hi.

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.

Sawltak 20:23

Thongkiatna le gimna ka thuak nading thu bekbek, ka omna khua khempeuhah Kha Siangtho in hong gen tawntung hi.

Paunak 9:8

Mihaite thuhilh kei in; hong mudah ding uh hi. Mipilte thuhilh in; hong it ding uh hi.