Paunak 22:9 - Tedim Bible

⁹ A cingh mi in mizawngte an pia a, amah in thupha ngahkik hi.

Tedim Bible Revision 2017

⁹ A cingh mi in mizawngte an pia a, amah in thupha ngahkik hi.

Paunak 22:9 Referans Kwoze

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Hebru 6:10

Pasian, a man loin gamta ngei lo ahih manin na Khristianpihte uh a beisa hunah na huhna uh le tu dongin na huh laina uh tawh ama a dingin na nasepna uh le amah na itna uh na lahnate uh hong mangngilh het lo ding hi.

1 PETER MASA 4:9

Khatlekhat maitai takin zinleleeng na kido un.

Sawltak 20:35

Topa Jesuh mahmah in, ‘Ngahna sangin piak khiatna-ah lungdamna lianzaw hi,’ a cihna phawkkawmin nakpitakin nasepna tawh na khempeuhah a zawngkhalte huh ding hi hang, ci-in note kiangah kong lak khinzo hi,” ci-in a vaikhak hi.

Hebru 13:16

Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

Luka 14:13

Tua bangin anvakna pawi na bawl ciangin mizawngte, khezawte, khebaite, le mittawte sam in.

Isaiah 32:8

Ahih hangin mipi lungsim a nei mi in na a hoihte geel a, thuhoih nate-ah a pang hi.

Paunak 21:13

Mizawngte’ huh ngetna a pia nuam lote pen amau zong cimawhin huhna a nget uh ciangin kipia lo ding hi.

Late 112:9

Amah in hawmkhia zuahzuah a, mizawngte tungah a piakhia hi. Ama migitna kip tawntung a, amah vanglianin kipahtawi ding hi.

Paunak 11:25

A cingh mite hau semsem ding a, midang a huhte in huhna mah ngahkik ding hi.

Marka 7:22

huaihamna, gitlohna, khemna, gamtat hoih lohna, enna, mi gensiatna, kisialhna, le haitatna a piangsakthei ngaihsutna hoih lote khempeuh,

Mattiu 20:15

Keima sum pen keima ut bangin ka zattheih ding hi lo ahi hiam? Tua ahih kei leh kei ka cit manin na heh suak ahi hiam?’ a ci hi.

Thu-hilhkikna 28:56

Note lakah a om a ngeksuak, a cithei pen numei, amah ngekin a ci neel lua ahih manin a khenuai tawh lei sik ding a ngaihsun ngei vet lo nu in a it a pasal, a tanute le a tapate a dingin ama sung panin a piang a tate le ama sung panin a paikhia a nau-nungzuite phal lo ding hi. Bang hang hiam cih leh hong umcihna le na galte un na khuapite uhah note hong lungkhamsak nading lungkhamna sungah bangmah neih lohna hangin amah in tuate nesim ding hi.

Paunak 31:20

A zawng mite tungah amah cingh mahmah a, a cimawh mite tungah huhna a pia hi.

Paunak 11:17

Migi lecin nang a dingin a hoih a bawl na hi a, gilo lecin nangmahmah a kigimsak na hi bek hi.

Paunak 11:27

Thuhoih a hanciamte in pahtakna ngah a, siatna a hanciamte in siatna mah ngah hi.

Paunak 14:21

Mizawngte a simmawhte a khial hi a, mizawngte tungah a cinghte a lungdam hi.

Paunak 28:24

A nu a pa’ neihsa laksakin, “Khialhna hi kei,” a ci pa pen guta mah hi veve hi.

Paunak 28:27

Mizawng a huhte cimawh ngei lo ding a, huhna a pia nuam lote in samsiatna ngah ding hi.