Paunak 22:7 - Tedim Bible

⁷ Mihaute in mizawngte uk a, leitawi a late pen a piate’ sila a suak hi.

Tedim Bible Revision 2017

⁷ Mihaute in mizawngte uk a, leitawi a late pen a piateʼ sila a suak hi.

Paunak 22:7 Referans Kwoze

2 KUMPI NIHNATE 4:1

Tu-in kamsang honte sung pan mi khat’ zi Elisha’ tungah kiko-in, “Na nasem ka pasal si hi. Na nasempa in Topa a zahtakna na thei hi. Ahih hangin ka tapate nih sila dingin a la dingin a leibatna pa hong pai hi,” a ci hi.

Paunak 22:16

Hauhnop manin mihaute letsong pia leeng kizawnlawh a, hauhnop manin mizawngte’ neihsa laksak lehang zong kihauhlawh tuan lo hi.

Paunak 18:23

Mizawngte a pau ciangin thumna kam zang a, mihaute in a dawn ciangin kihihsakna kam zang hi.

Jeim 2:6

note in mizawngte na simmawhbawl uh hi. Note hong bawlsia-in thukhen zum hong tun pahpahte, mihaute hizaw uh hi.

Mattiu 18:25

Tua nasempa in a sum lohzo lo ahih manin amah a kipan a zi a tate le a neih khempeuh zuakin a leiba a loh nadingin kumpipa in thu a pia hi.

Paunak 22:22

Bangmah hong cih zo lo ding cihna hangin nuamtak sa-in mizawngte’ neihsa mawk suh kei unla, zumah khia-in mawk bawlsiat kei un.

Paunak 14:31

Mizawngte bawlsiatna pen a piangsak Pasian simmawhna hi a, mizawngte tungah citna pen Pasian zahtakna ahi hi.

Jeim 5:1

A haute aw, tu-in ka thugen hong ngai dih un. Note tungah a hong tung ding lungkhamna hangin kapin thum un.

Amos 8:6

Khedap bu khat man dingin mizawngte sila-in i zuak nuam a, i mangbuh hoih lote sum tampi i khawng nuam hi,” na ci uh hi.

Amos 8:4

Mi cimawhte tuancil gawpin, gam sung mizawngte a susiagawp mite aw, hih thu ngai un:

Amos 4:1

Bashan gam bawngpi bangin a thau mahmah, mizawngte nengniamin mi cimawhte a sugawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Isaiah 24:2

Mi khempeuhte’ thuakna kibang kim ding hi. Siampite le mi mawkmawkte silate le a tote, van leite le van zuakte, sumneite le leibate, a hau a zawng, a thuakna uh kibang ding hi.

Jeim 5:4

Na lo uh a hong khawhsakte a thaman pia lo na hih manun tu-in amaute’ phunna za un. Anla dingin na sawl uh mite’ phunna Vanglian Topa in za khinta hi.

Amos 2:6

Topa in hih bangin ci hi: Israel mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in leiba a loh zawh loh man bekun midik kimlai zuak uh a, khedap bu khat man a loh zawh loh man bekun mi cimawhte sila-in a zuak uh hi.