Paunak 22:16 - Tedim Bible

¹⁶ Hauhnop manin mihaute letsong pia leeng kizawnlawh a, hauhnop manin mizawngte’ neihsa laksak lehang zong kihauhlawh tuan lo hi.

Tedim Bible Revision 2017

¹⁶ Hauh nop manin mihaute letsong pia leeng kizawn lawh a, hauh nop manin mizawngteʼ neihsa laksak lehang zong kihauh lawh tuan lo hi.

Paunak 22:16 Referans Kwoze

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo ding a, hehpihna lungsim a neite tungah Pasian in thu a khen ciangin a hehpihna in zozaw ding hi.

Late 12:5

Topa in, “Mizawngte a neihsa kihawkkhia a, mi cimawhte thumin tau uh ahih ciangin tu-in dingin, amau’ lunggulh, lungmuanna munah amaute ka koih ding hi,” a ci hi.

Paunak 28:3

Mizawngte a bawlsia aana a nei mipa pen lo-a ante a susiagawp guahzu tawh kibang hi.

Paunak 14:31

Mizawngte bawlsiatna pen a piangsak Pasian simmawhna hi a, mizawngte tungah citna pen Pasian zahtakna ahi hi.

Luka 16:24

Tua ahih manin nakpitakin kiko a, ‘Pa Abraham aw, kei hong hehpih in. Meiphual sungah omin nakpitakin gimna thuak ka hih manin Lazaras in a khutme dawn tui diahin ka leii hong votsak nadingin hong sawl in,’ a ci hi.

Paunak 28:22

A huaiham mi in a hauh nadingin huai mengmeng a, a tawpna-ah a zawn’ ding lamtak phawkkha lo hi.

Thuhilh-sia 5:8

Kumpite in mizawngte gim ngahsakin, thuman thutangin na a kisep kei leh lamdang sa kei in. Uliante pen amau’ tunga uliante in en uh a, tuate’ tungah a ensawn a lianzaw khat omlai hi.