Paunak 22:14 - Tedim Bible

¹⁴ Numei tungah mawhna pen thangzak bang hi a, tua thangah a awkte tungah Topa a heh hi.

Tedim Bible Revision 2017

¹⁴ Numei tungah mawhna pen thangzak bang hi a, tua thang ah a awkte tungah Topa a heh hi.

Paunak 22:14 Referans Kwoze

Thuhilh-sia 7:26

Sihna sangin numei a siahuai zawkna ka theikhia hi. Ama hong piak itna in thang bangin hong tepcip a, ama hong kawina khut in sikkhau bangin hong hencip hi. Pasian’ deihna bangin a gamtate in tua bang numei pelhthei a, ahi zongin a mawh nuamte a thangah a awk uh hi.

Paunak 23:27

Numei paktatte pen kiattheihna ding gum tawh kibang a, numei ginalote pen tangciak theihna hawkguam tawh kibang hi.

Nehemiah 13:26

Israel kumpipa Solomon zong tua bang numeite’ hangin khial hi lo ahi hiam? Minam tampite lakah amah tawh a kibang kumpi khat zong om lo a, ama Pasian in amah itin, Israel khempeuh tungah kumpi-in amah koih hi; ahi ta zongin gamdang numeite in amah nangawn khialsakzo hi.

Late 81:12

Tua ahih ciangin a ut bangun a gamta dingin amau’ lungsim khauhna bangin ka gamtasak hi.

Thu-hilhkikna 32:19

“Topa in tua thu thei a, a tapate le a tanute in amah hehsak uh ahih manin tua ama tate a nolh hi.