Paunak 21:31 - Tedim Bible

³¹ Galdo nadingin sakolte a baihsa-in kikoih a, ahi zongin galzawhna pen Topa’ hang hizaw hi.

Tedim Bible Revision 2017

³¹ Galdo nadingin sakolte a baih sa-in kikoih a, ahi zongin gal zawhna pen Topaʼ hang hizaw hi.

Paunak 21:31 Referans Kwoze

Late 20:7

Mi pawlkhat in leengte kihihsakpih a, mi pawlkhat in sakolte kihihsakpih hi. Ahih hangin eite in Topa i Pasian’ min bek i kihihsakpih hi.

Isaiah 31:1

Egypt gamah huhna ngen dingin paisuk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-te’ Siangtho Pa a suang lo, Topa thu a dong lote in gimna ngah ta hen!

Late 147:10

Ama lungkimna le amah in nuam a saknate pen sakol thahatna le galhangte’ hang hi lo hi.

Late 68:20

Eite’ Pasian pen hong honkhia Pasian hi a, sihna pan a hong suaktasak Topa Pasian ahi hi.

Late 3:3

Ahih hangin Topa aw, nang pen ka kidalna lum, ka minthanna le ka lu hong phong pa na hi hi.

Late 3:8

Gualzawhna pen Topa nangma hang ahi hi. Na mite tungah na thupha hong tung ta hen!

Thuhilh-sia 9:11

Hih leitungah ka phawk dang thu khat in: A taihat mite in tai kidemna-ah zo tawntung lo a, galhang thahatte in gal zo tawntung lo hi. A pilte in an a kham ngah tawntung lo a, a pilte hau tawntung lo hi. Hih theih siamna a neite milian suak tawntung lo hi. Mi khempeuh tungah kamsiatna vive tung hi.

Late 144:10

Kumpite tungah gualzawhna a piapa, na nasem David a honkhia pa na hi hi.

Jeremiah 3:23

Mualtungte le mualsangte’ tungah gamlum lialuanate zuaupi taktak hi a, Israel mite hotkhiatna ding Topa eite’ Pasian’ kiang bekah om takpi hi.

1 KORIN MASA 15:57

Ahi zongin i Topa Jesuh Khrih hangin gualzawhna a hong pia Pasian tungah i lung a dam hi.

2 SAMUEL NIHNA 23:12

Ahih hangin amah in tua munah panmun la-in hu a, Filistia-te that a, Topa in gualzawhna lianpi a piangsak hi.

Late 20:8

Amaute kinawmsawmin pukgawp ding uh a, ahih hangin eite tho-in i dingtang ding hi.