Paunak 21:27 - Tedim Bible

²⁷ Topa in migilote’ biakpiaknate deih lo a, ngimna hoih lo tawh a piakte uh deih lo zaw kan lai hi.

Tedim Bible Revision 2017

²⁷ Topa in migiloteʼ biakpiaknate deih lo a, ngimna hoih lo tawh a piakte uh deih lo zaw kan lai hi.

Paunak 21:27 Referans Kwoze

Isaiah 66:3

Biakna-in bawngtal a gopa in mihing zong that hi. Biakpiakna-in tuuno a gopa in ui ngawng zong at hi. An tawh biakpiakna a bawlpa in vok si zong pia hi. Paknamtui tawh phawkna biakpiakna a bawlpa in milim zong bia-in thupha a pia hi. Hih mite amau ut bang ciatin gamta uh a, amau’ kihhuai gamtatna uhah nuam a sa uh hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin sing namtuite hong tung ahi hiam? Na meihal biaknate uh ka sang thei kei a, nong biaknate uh deihhuai ka sa kei hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Paunak 28:9

Mi khat in thukham a zuihnop kei leh ama thungetna nangawn Pasian in zakthadahhuai sa hi.

Thuhilh-sia 5:1

Biakinn-ah na pai ciangin limtakin kingaihsun in. A man le a man lo a khen thei lo mihaite’ biakpiaknate tawh a kibang piakna sangin thu ngai dingin biakinn-a paina hoihzaw hi.

Gamlak-vakna 16:15

Moses heh mahmah ahih manin Topa’ kiangah, “Amau’ biakna thupi ngaihsut kei in. Amaute tungah bangmah ka gamta khial kei a, a la uh khat beek nangawn ka laksak kei hi,” a ci hi.

Paunak 7:14

“Tuni-in biakpiakna ka bawl a, nek ding sa tampi ka nei hi.