Paunak 21:21 - Tedim Bible

²¹ Thuman thutakin gamta tawntung lecin na khan sau-in pahtawina na ngah ding hi.

Tedim Bible Revision 2017

²¹ Thuman thutakin gamta tawntung lecin na khan sau-in pahtawina na ngah ding hi.

Paunak 21:21 Referans Kwoze

Mattiu 5:6

Pasian’ deihteng sep ding a hanciamte Pasian in lungkimna ngahsak ding ahih manin thupha ngah mi ahi uh hi.

1 KORIN MASA 15:58

Tua ahih ciangin ka hong it sanggamte aw, Topa’ hangin na nasepnate uh a mawkna hi ngei het lo hi, ci-in na theih uh mah bangin Topa a dingin a tawntungin na sem unla, ling hetloin lungsim kiptakin na om ta un.

Paunak 22:4

Kiniamkhiat-a Topa zahtakna thaman in hauhna, minthanna, le khansauna ahi hi.

Hebru 12:14

Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.

1 TIMOTI MASA 6:11

Ahi zongin Pasian’ mi ahi nangmah in tua thute khempeuh pelh inla, thuman thutak, Pasian’ deih bangin nuntakna, upna, itna, kipna, le lungnemna na neihzawh nadingin hanciam in.

Paunak 15:9

Topa in migilote’ gamtatna kihhuai sa a, thuman a deih mite a it hi.

2 TIMOTI NIHNA 2:22

Tua ahih manin khangno lunggulhna hoih lote pelh inla, lungsim takpi tawh Topa tungah huhna a ngen mite tawh thuman thutak, upna, itna, kilemna na neihtheih nadingun hanciam khawm un.

Isaiah 51:1

Topa in, “Hotkhiat ding a ut, Topa a zongte aw, ngai un. Note hong ki-eu khiatna suangpi, note hong kitawhkhiatna khuk en un.

1 PETER MASA 1:7

Hih bang thuaknate in a um takpi mah na hihna uh hong kilangsak hi. A siathei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manphazaw note’ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuakzawh uhleh Khrih hong kilat Ni ciangin phatna, minthanna, le pahtawina na ngah ding uh hi.

ROM (Romans) 14:19

Tua ahih ciangin mi tawh kilem theih nading le kha thu-ah khatlekhat thahatna i kipiak theih nading thute hanciam ciat ni.

1 THESALONIKA MASA 5:21

Thu khempeuh entel pha unla, a hoihte kemin,

Filippi 3:12

Ahi zongin ka utna tungkhin ing, cingtaak khinta ing, a ci ka hi kei hi. Khrih Jesuh in kei a dingin a hong sepsak hamphatnate kimtakin ka ngahtheih nadingin a hanciam lai ka hi hi.

Hosea 6:3

Topa i theihzawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Paunak 3:22

Tuate pen nang a dingin nuntakna hi ding a, na hoih nadingin kizepna hi ding hi.

Late 112:4

Lungsim thutangte a dingin khuamial sung panin khuavak hong taangkhia hi. Topa dik a, hehpihna nei-in, amah thuman hi.

Paunak 10:16

Mihoihte’ thaman nuntakna hi a, migilote’ thaman siatna ahi hi.

Paunak 11:19

Thumanin gamtat ding a hanciamte nungta ding a, a sia-in a gamta teiteite si ding uh hi.