Paunak 21:20 - Tedim Bible

²⁰ Mipil pa’ inn sungah neihlelam a dimin om a, ahi zongin mihai pa in a ngahzahzah zangkhia pah hi.

Tedim Bible Revision 2017

²⁰ Mipil paʼ inn sungah neihlelam a dimin om a, ahi zongin mihai pa in a ngah zahzah zang khia pah hi.

Paunak 21:20 Referans Kwoze

Late 112:3

Hauhna le nopsaknate a innkuan sungah dim ding a, ama thumanna kip tawntung ding hi.

Thuhilh-sia 5:19

Pasian in mi khat neihlelam guanin, a hauhna nuamtakin a neksak leh, amah lungdamin a sepna thaman ne-in a om ding hi. Tua nopsakna pen Pasian’ kiang pan ahi hi.

Thuhilh-sia 7:11

Pilna pen hauhna zahin hoih a, mihingte a dingin phattuamna ahi hi.

Paunak 15:6

Thuman mite’ neihsa kip a, migilote’ hauhna in lungkham a guan hi.

Paunak 10:22

Topa’ thupha in mite hausak a, dahna le gimna tawh piakhawm lo hi.

Luka 16:1

Tua ciangin Jesuh in a nungzuite kiangah, “Sum hau pa khat om a, a neihsateng a uk dingin ama khutnuai-ah mi khat a koih hi. Tua a neihsateng a uk dingin a koih mipa in a topa’ sumteng phengzat gawp hi, ci-in kikhia hi.

Luka 15:14

A sum neih khempeuh a zatmang khit ciangin tua ama omna gamah kialpi tung a, ahi zongin amah in bangmah nei nawn lo hi.

Late 23:5

Keima galte’ muhna munah an nong lui hi. Thupi takin nong pahtawi a, keima hai zong dimlet ta hi.

Luka 6:45

Mihoih pa in a lungsim sunga thuhoih omteng hong suahkhia a, migilo pa in a lungsim sunga a gitlohna teng hong suahkhia hi. Bang hang hiam cih leh mite pen amau’ lungsim sunga a om bangbang a hong paukhia uh ahi hi.

Mattiu 25:8

Tua ciangin a haite in a pilte kiangah, ‘Ka mei uh mitta ahih manin na meitui uh hong hawm un,’ a cih ciangin

Jeremiah 41:8

Ahih hangin amaute’ lakah mi sawm in Ishmael’ kiangah, “Ko hong that kei in. Mangbuh, mangbuhham, sathau le khuaizu ka seelsim uh lolai-ah tampi a om hi,” a ci uh hi. Tua ahih manin amah le a lawmte in amaute a that kei uh hi.

Thuhilh-sia 10:19

An in lung damsak a, zu in lung nuamsak hi. Sum in ahihleh na khempeuh a kicingsak hi.

JOB (Job) 20:18

Amah in a nasep thamante nusia ding a, a hauhna khempeuh zangkha man lo ding hi.

JOB (Job) 20:15

Migilo pa in a guksa nate luakhia kik a, a gil sung nangawn panin Pasian in a lakkhiatsak hi.

Paunak 8:21

Kei hong itte ka hausak a, a inn dimin neihlelam ka pia hi.

Paunak 14:24

Pilna pen mipilte’ minthanna lukhu hi a, haina pen mihaite’ kizepna bulpi ahi hi.

Paunak 22:4

Kiniamkhiat-a Topa zahtakna thaman in hauhna, minthanna, le khansauna ahi hi.