Paunak 21:16 - Tedim Bible

¹⁶ A kilawm gamtatna pan a pialkhia mite misi honte lakah a tung hi.

Tedim Bible Revision 2017

¹⁶ A kilawm gamtatna pan a pial khia mite misi honte lakah a tung hi.

Paunak 21:16 Referans Kwoze

Hebru 10:38

Ahi zongin keima mi a thuman mite in ka thu umin nungta ding uh a, a nungkik a om uhleh tua mite tungah ka lungkim kei ding hi,” na ci hi.

Late 125:5

Ahih hangin amau’ gitlohna a zuite pen siatna a bawlte gim na piak ciangin amaute tawh piakhawm in. Israel tungah nopna om ta hen!

Late 49:14

Tua bangin amaute Leinuai-a dingin kiseh hi. Sihna pen amau a cing pa hi ding hi. Hankhuk sungah amaute tuaksuksuak ding uh a, a mel uh sia ding a, Leinuai, amau’ inn hi ding hi.

Juda 1:12

Note’ annek khopna-ah zumna mel nei loin hong omgawp uh ahih manin hong siatsuah uh a, amau’ pumpi bek ngaihsun uh hi. Amaute pen cikmahin guah a zusak ngei lo, huih in a letkhiatmang meiipi, tuk hun laitak nangawnin a gah a gah lo, kizunglotin a keutum singkungte,

1 JOHAN MASA 2:19

Khrih’ gal ahi hih mite pen ei’ pawl hi ngei napi-in hong taisan uh hi. Ei’ pawl taktak hileh eite tawh omkhawm paisuak ding uh ahih manin, tu-in amaute paikhia uh ahih ciangin ei’ pawl taktak ahihlohna uh hong kilang hi.

Efesa 2:1

A beisa hunah na thuman lohna uh le na mawhna uh hangin kha thu tawh kisai-ah a si na hi uh hi.

Zefaniah 1:6

Lam pialin, kei hong zui nawn lote, thudong dingin kei kiangah hong pai nawn lote, ka susia ding hi,” a ci hi.

Paunak 13:20

Mipil tawh kikhawl lecin na pil ding a, mihai tawh kikhawl lecin gimna na thuak ding hi.

Paunak 9:18

Tua lai-ah a paite a sihna thu tua lai-ah a lutsate sihna gam thuk sungah a om khitna thu, a khemzawh mite in phawkkha lo uh hi.

Paunak 2:13

nuntakna manin a nungta lo, mawhna khuamial sungah a gamta,

Paunak 11:19

Thumanin gamtat ding a hanciamte nungta ding a, a sia-in a gamta teiteite si ding uh hi.

Ezekiel 18:24

Ahi zongin mihoih khat in a gamtat hoihnateng khawlin, migilote’ gamtat bangin a mindaihuai gamtatsiate gamtat ding hong kipan leh, amah nungta paisuak ding ahi hiam? Nungta het lo ding hi. A hoih ama gamtatnasate kiphawksak lo ding hi. Ama cihtak lohna le ama mawhna hangin si ding hi.

Paunak 5:23

Ama pumpi ki-uk zo lo ahih manin amah in sihlawh a, ama hailuatna in hankhuk sung a tun hi.

Paunak 19:16

Thukham a zuite a khansau ding a, thukham a zui lote si ding hi.