Paunak 21:15 - Tedim Bible

¹⁵ Thutangin na a kisep ciangin midik khempeuh lungdam a, ahi zongin migilote lungkham hi.

Tedim Bible Revision 2017

¹⁵ Thutangin na a kisep ciangin midik khempeuh lungdam a, ahi zongin migilote lungkham hi.

Paunak 21:15 Referans Kwoze

Paunak 10:29

Topa in midikte hu a, migilote a susia hi.

Mattiu 7:23

Tua ciangin keimah in amaute kiangah, ‘Note ka hong thei ngei kei hi. Siatna a gamta mite aw, kei kiang panin kihemkhia un,’ ka ci ding hi.

Isaiah 64:5

Thuman nasep lungdam takin a semte, nangma deih bangin a nungtate, nangmah in na limbawl hi. Kote tungah nang na heh a, ahi zongin kote ka khial lai veve uh hi. Tanglai pek a kipanin ka mawh ngitnget uh hi. A tua bangpi mahin kote hong kihon ding ahi hiam?

Thuhilh-sia 3:12

Tua ahih ciangin mihingte in a nuntak laiteng a siam tawpun gamta-in lungdamin a om ding a thupi pen ahihna ka phawk hi.

Paunak 21:12

Pasian in migilo pa’ inn sungah a kisem khempeuh mu tel a, migilote lawnthalin a siasak hi.

Paunak 5:20

Ka ta aw, bang hangin numei dang lunggulh ding a, numei dangte’ ngaihbaanna iplah ding na hi hiam?

Late 119:16

Nangma ngeina kipte-ah nuam ka sa ding a, nangma thu ka mangngilh ngei kei ding hi.

Late 112:1

Topa phat un. Topa zahtakin a thupiaknate nuam a sa mahmah mi, thupha ngah mi ahi hi.

Late 40:8

Nangma deih bang hihna-ah nuam ka sa hi, ka Pasian aw. Nangma thukham ka lung sungah om hi,” ka ci hi.

ROM (Romans) 7:22

Ka lungsim tawng taktakah Pasian’ thukham hoih ka sa hi.

Johan 4:34

Tua ciangin Jesuh in, “Keimah hong sawl pa’ deihna bangin na semin, sep dingin hong piak nasep zawhna pen ka nuntakna an ahi hi.

Late 119:92

Nangma thu, nuam a sa lo hileng, ka gimthuakna-ah ka kisia khinzo ta ding hi.

Paunak 21:16

A kilawm gamtatna pan a pialkhia mite misi honte lakah a tung hi.