Paunak 20:22 - Tedim Bible

²² Mite’ hong bawlsiatna thuk ding ngaihsun kei inla, Topa’ hong huh ding ngakzaw in.

Tedim Bible Revision 2017

²² Miteʼ hong bawlsiatna thuk ding ngaihsun kei inla, Topaʼ hong huh ding ngak zaw in.

Paunak 20:22 Referans Kwoze

1 THESALONIKA MASA 5:15

Gitlohna lamsang kuamah kithuk loin, note khatlekhat tung le mi khempeuh tungah a pha kibawl ding ngaihsutpi-in na nei un.

Paunak 24:29

Kei tungah hong bawl bangin kei zong ka bawl ding a, ama hong hihna bangin ka thuk ding hi, cikha kei in.

Paunak 17:13

Thuhoih kimlai thusia tawh a thukte’ inn sungah cikmahin thusia veng cih om ngei lo hi.

1 PETER MASA 3:9

Hong bawlsiate siatna tawh thukkik loin hong samsia mite samsia kik kei unla, Pasian in note a hong sap lai-in thupha a hong piak dingin hong ciamsa ahih manin, hong siat bawlte thupha tawh na thukzaw un.

Thu-hilhkikna 32:35

Phulakna le thukkikna kei a’ hi a, a hun ciangin amaute puk ding uh hi. Bang hang hiam cih leh amau’ gim ngah hun ding hong naita a, amau’ siat nading hong tung pah hi.

1 PETER MASA 2:23

Amah a kizahko ciangin na ko thuk lo hi. Gimna a thuak ciangin na tawnggawp lo a, a manin thu a khen Pasian muanin a na nei hi.

Mattiu 5:39

Ahi zongin note kiangah ke’n kong genin-ah: A gilote na thukkik kei un. Mi khatpeuh in na paang taklam hong bet leh a langkhat zong na dawh lai zaw in.

1 PETER MASA 4:19

Tua ahih ciangin Pasian’ deihna bangin gimna a thuak mite gamtat hoihin, a kamciam a tangtungsak tawntung hong Piangsak pa muangin ama khut sungah a ki-ap ding uh ahi hi.

Late 27:14

Topa muang in. Thakhauh inla, na lungsim hangsakin, Topa muang in.

2 SAMUEL NIHNA 16:12

Topa in ka thuakna hong enin, tuni-a kei hong samsiatna hangin Topa in a hoih tawh kei hong thuk kha ding hi,” a ci hi.

Isaiah 40:31

Ahih hangin Topa a muang mite a tha uh dimkik ding a, muvanlai bangin kha tawh leengto-in, amaute tai napi-un tawl lo ding uh a, amaute lam pai napi-un gim lo ding uh hi.

Late 37:34

Topa ngak inla, ama lampi zui in. Leitang a luah dingin nang hong liansak ding a, migilote’ siatna nangmah in na en ding hi.

Paunak 20:21

A baih lamin hauhpakna pen a tawpna-ah phattuamna om lo hi.

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte uh na it ding uh hi; kei pen Topa ka hi hi.

1 SAMUEL MASA 25:13

David in a mite kiangah, “Mi khempeuh in na namsau uh kuah ciat un!” a ci hi. Amaute khempeuh in a namsau uh kuah uh a, David in zong a namsau a kuah hi. Mihing zali bang David’ nungah paito uh a, mihing za nihte van ngakin om uh hi.

Late 37:40

Amaute in Topa beel ahih manin amah in amaute huhin honkhia a, migilote’ kiang panin amaute honin suaktasak hi.

Paunak 19:11

Pilna in mi lungduaisak a, mi’ hong hehsaknate kiphawkmawh bawlna in minthanna ahi hi.