Paunak 20:21 - Tedim Bible

²¹ A baih lamin hauhpakna pen a tawpna-ah phattuamna om lo hi.

Tedim Bible Revision 2017

²¹ A baih lamin hauh pakna pen a tawpna ah phattuamna om lo hi.

Paunak 20:21 Referans Kwoze

Paunak 13:22

Midikte in a tu a tate’ luah ding gamh nei uh a, mawhneite’ neihsate ahihleh midikte a’ ding hi lel hi.

1 TIMOTI MASA 6:9

Ahi zongin a haunuam mite in ze-etna a tuamtuam thuak a, duhhopna, huaihamna a haivai thute-ah awkcipin, haksatna le siatna a tuahlawh uh hi.

Habakkuk 2:6

A zawhna gammite in amau a zo mite simmawh bawlin, “No a’ ahi lopi kimlai no a dingin na la uh a, ahi zongin tu-in gimna na thuak ding uh hi. Note tungah lei hong bate khem bawlin, bang tanvei na hauhna uh behlap nuam lailai na hi uh hiam?” ci ding uh hi.

Paunak 28:22

A huaiham mi in a hauh nadingin huai mengmeng a, a tawpna-ah a zawn’ ding lamtak phawkkha lo hi.

Paunak 28:20

A citak mipa in thupha tampi ngah ding a, a hau baih nuam mipa in gim tuak pelmawh ding hi.

Paunak 28:8

A meet a pung lakna tawh a hau mipa pen mizawngte a hehpih mipa a dingin sum a zonsak hi lel hi.

Paunak 23:4

Hauhnop man bekin sum’ sila suak kei unla, a man loin gamtakha kei un.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uhleh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupi lak lo na hih manun na thupha ngahte uh tungah samsiatna ka tungsakzo hi.

Zekhariah 5:4

Vanglian Topa in hih samsiatna a khahkhiatna ding thu gen a, guta mite khempeuh le a man loin ka min tawh thuciam mite khempeuh’ inn sungah lut ding hi. Tua bang mite’ inn sungah a tawntungin hamsiatna omin, amaute a kipan a sing a suang, a vekpi-in sumai ding hi,” hong ci hi.

Paunak 20:20

Na nu le na pa na samsiat leh khuamial sunga om meivak kisumit na bang ding hi.

Paunak 20:22

Mite’ hong bawlsiatna thuk ding ngaihsun kei inla, Topa’ hong huh ding ngakzaw in.

Paunak 21:6

Zuaugenna tawh hauhnate beimang pak a, sihna khuk sung hong tunpih hi.