Paunak 2:5 - Tedim Bible

⁵ Tua hileh, Topa zahtakna thu na thei ding a, Pasian na theitel ding hi.

Tedim Bible Revision 2017

⁵ Tua hileh, Topa zahtakna thu na thei dinga, Pasian na thei tel ding hi.

Paunak 2:5 Referans Kwoze

Paunak 1:7

Topa zahtakna in pilna kipatna hi a, mihaite in pilna le thuhilhna don lo uh hi.

Jeremiah 24:7

Keimah Topa ka hihlam theihtheihna lungsim ka pia ding hi. A lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, kei pen amaute’ Pasian ka hi ding hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

Luka 10:22

Tua ciangin Jesuh in amaute kiangah, “Hih nate khempeuh ka Pa in kei tungah hong ap khinzo hi. Pasian simloh, Tapa a thei kuamah om lo hi. Tapa le Tapa in a theihsaknop mite simloh, Pa a thei kuamah om lo hi,” a ci hi.

Jeremiah 9:24

A kisatheite in, keimah, leitungah migitna, thuman le thutang a zang ka hihna le tuate sungah nuam a sapa ka hihna thu hong theihna uhah kisathei uh hen. Topa in hih thu kong gen khin hi,” a ci hi.

Mattiu 11:27

“Ka Pa in kei tungah na khempeuh hong pia khin hi. Pa simloh Tapa a thei kuamah om lo a, Tapa le Tapa in a theihsaknop mite simloh, pa a thei kuamah om lo hi.

Hosea 6:3

Topa i theihzawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Jeremiah 31:34

Kuamah in midangte le a sanggamte uh kiangah, ‘Topa thei in,’ ci-in a kihilh nawn kei ding uh hi; bang hang hiam cih leh Topa in kong cihin-ah, amaute in a neupen panin a lianpen dongin, a vekpi-un kei a hong thei ding uh hi. Bang hang hiam cih leh amau’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Paunak 9:10

Topa zahtakna pen pilna kipatna hi a, Siangtho Pa theihna pen thumuhna ahi hi.

JOB (Job) 28:28

“Tua ciangin amah in mihingte tungah thu genin, ‘Topa zahtakna, pilna hi a, siatna pelhna pen thutheihna hi,’ ci hi,” a ci hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Paunak 8:17

Kei hong itte ka it a, kei hong zong peuhmahte in hong mu uh hi.

Paunak 28:7

Thuhilhna a mang mite ta pil hi a, lawm gilo tawh a kikhawl mi in a pa mindaisak hi.

Isaiah 33:6

Amah pen nangma hunte a kipna, hotkhiatna a kicinna, pilna le theihna hi ding hi. Topa kihtakna pen ama sumgum hi ding hi.