Paunak 2:22 - Tedim Bible

²² ahi zongin Pasian in leitung panin migilote lawnkhia-in, singkung zungbawh bangin mawhneite botkhia ding hi.

Tedim Bible Revision 2017

²² ahi zongin Pasian in leitung panin migilote lawn khia-in, singkung zungbawh bangin mawhneite bot khia ding hi.

Paunak 2:22 Referans Kwoze

Late 52:5

Tua ahih manin Pasian in nang hong susia paisuak ding hi. Amah in nang hong bawhin na buk sung panin hong kaikhia ding a, a hingte’ leitang panin hong zunglot ding hi.

Late 37:28

Bang hang hiam cih leh Topa in thutang deih a, ama mi siangthote nusia lo ding hi. Thuman mite kikemcing den ding a, ahi zongin migilo’ suanlekhakte kipuaseh ding hi.

Thu-hilhkikna 7:22

Topa na Pasian un note’ mai-ah hih minamte tawm tawmin siang khiasak ding hi. Note a dingin gamsate hong tam khanlua kha ding ahih manin thakhatthu-in amaute na beisak kei ding uh hi.

Paunak 10:30

Midikte lungmuang takin om tawntung ding uh a, migilote in omna ding mun ngah zo lo ding uh hi.

Late 145:20

Topa in amah a itte khempeuh kem a, ahih hangin migilo khempeuh amah in susia ding hi.

Late 104:35

Leitung panin mawhnei mite beimang hen la, migilote om nawn kei hen. Ke’n, Topa ka phat ding hi. Topa ka phat ding hi.

JOB (Job) 21:30

Pasian hehin, mite gim a piak ciangin migilote peng tawntung zawsop hi.

Late 37:22

Bang hang hiam cih leh Topa’ thupha piakte in leitung luah ding uh a, ahih hangin a samsiatte kipuaseh ding hi.

Late 37:20

Ahih hangin migilote kisia hi. Topa’ galte pen lono etlawm tawh kibang a, amaute mangthang pak uh hi. Meikhu bangin mangthang uh hi.

Thu-hilhkikna 29:28

Topa in hehna, sinsona, lungham mahmahna tawh a leitang panun amaute zunglot a, tuni-a i muh bangin amaute gam dangah hawlkhia hi,’ ci ding uh hi.

Paunak 11:3

Midikte thumanin gamta uh a, migilote amau’ hoih lohna in susia hi.

Thu-hilhkikna 29:20

Topa in amah maisak lo ding a, Topa’ hehna le hazatna meikhu bangin tua mipa’ langkhatah khuzaw-in, hih laibu sunga kigelh samsiatnate ama tungah tu ding a, Topa in a mun khempeuh panin ama min phiat ding hi.

1 KUMPI MASATE 14:14

Tua tham loin tuni-in Jeroboam innkuan a beisak ding, Israel-te’ tungah kumpi khat Topa in ama a dingin khangsak ding hi. Tua hun a kipan

1 KHANG TANGTHU MASATE 10:13

Tua ahih ciangin Saul a thuman lohna hangin a si hi. Amah in Topa’ thupiakna a zuih lohna, le vankah khat thu dongin a lamlah ding a zonna,

Late 52:7

“Pasian a bel lo, ama hauhnate a muang, ama hauhna a bel pa en un,” hong ci ding uh hi.