Paunak 2:19 - Tedim Bible

¹⁹ Tua bang numei tawh mawhna a bawl mite in nuntak nuam neikik ngei lo uh hi.

Tedim Bible Revision 2017

¹⁹ Tua bang numei tawh mawhna a bawl mite in nuntak nuam neikik ngei lo uh hi.

Paunak 2:19 Referans Kwoze

Thuhilh-sia 7:26

Sihna sangin numei a siahuai zawkna ka theikhia hi. Ama hong piak itna in thang bangin hong tepcip a, ama hong kawina khut in sikkhau bangin hong hencip hi. Pasian’ deihna bangin a gamtate in tua bang numei pelhthei a, ahi zongin a mawh nuamte a thangah a awk uh hi.

Late 81:12

Tua ahih ciangin a ut bangun a gamta dingin amau’ lungsim khauhna bangin ka gamtasak hi.

Hosea 4:14

Na tanute uh a paktat manin gim ka pia kei ding a, na mote uh midang tawh a mawh manin zong gim ka pia tuan kei ding hi; bang hang hiam cih leh note mahmah numei paktatte tawh na mawh uh a, biakinn numeite tawh nulepa mawhna biakna na bawl uh hi. Paunak-ah, “Thuhoih phawktheihna a nei lo mite in siatna thuak ding hi,” kici hi.

Hebru 6:18

Tua hi a, a kikheel thei lo thu nih kithuap ahih manin Pasian in zuau gen thei lo ding hi. Tua hi a, amah a beel eite in eite mai-ah hong kikoih lametna thu kiptakin i letcip nadingin i tha hong nuamsak hi.

Jeremiah 13:23

Ethiopia mivomte in a vun uh khek thei a, kamkei in a gial khek thei ahi hiam? A khek theih uhleh siatna bawl ding a zongsang khin note in zong a hoih na bawl thei ding uh hi.

Paunak 4:18

Ahi zongin thuman mite’ zuih lampi ahihleh sun dong a taang pha semsem zingsang khuavak tung tawh kibang hi.

Late 16:11

Nangmah in nuntakna lampi keimah nong lak hi. Nangma omna munah lungdamna lianpi om a, nangma taklamah nop tawntungnate a om hi.

Paunak 5:6

Nuntakna lampi-ah amah om lo a, nang na phawk loh hangin amah lam pialin a vakvai ahi hi.

Paunak 5:11

Na sih kuan uh ciangin thumin na tau ding uh a, gawngin na guhguak bekun na om ding uh hi.

Paunak 6:32

Ahi zongin numei tawh a mawhte pen thu ngaihsun thei lo mi hi a, amau le amau a kisusiatawm ahi uh hi.