Paunak 19:5 - Tedim Bible

⁵ Thuman gen lo teci in gim tuak pelmawh ding a, zuaugen mi suakta lo ding hi.

Tedim Bible Revision 2017

⁵ Thuman gen lo teci in gim tuak pelmawh dinga, zuaugen mi suakta lo ding hi.

Paunak 19:5 Referans Kwoze

Paunak 21:28

A man lo tecite mangthang ding uh a, thuman tecite’ kam kizaza ding hi.

Paunak 19:9

Thuman lo teci in gim tuak pelmawh ding a, zuaugen mi in sihna thuak ding hi.

Paunak 6:19

zuauthu gen teci man lote, le kitotna a piangsakte ahi hi.

Paikhiatna 23:1

“Thuman lo na genkhia kei ding uh hi. Elna tawh teci pang dingin migilo pa tawh na kipawl kei ding uh hi.

Daniel 6:24

Tua ciangin kumpipa in Daniel a hekteng khempeuh a zi a ta ciat uh tawh humpinelkai kikhumna sungah khiat dingin thu a pia hi. Amaute humpinelkai kikhumna taw a tun ma-un humpinelkaite in bakkhat suahin a guh a tangin a balzan gawp uh hi.

Thu-hilhkikna 5:11

“Topa note’ Pasian’ min a sia lamin na zang kei ding uh hi; bang hang hiam cih leh Topa in ama min a sia lamin a zang mi a mawh lo hi, ci lo ding hi.

1 KUMPI MASATE 2:9

Ahi ta zongin tu-in amah a mawhbaang loin ngaihsun kei in; bang hang hiam cih leh nang mipil na hi hi. Ama tungah na bawl dinga a kilawm na thei ngawn ding hi. Amah thatin a lutang hanah na paipihsuk ding hi,” a ci hi.

1 KUMPI MASATE 13:18

Tua ciangin amah in, “Kei zong nangmah bangin kamsang khat ka hi a, Topa’ sawlna bangin vantungmi khat in kei tungah thu hong gen a, ‘Amah in anletui ne-in a dawn theih nadingin na inn-ah amah paipih kik in,’ hong ci hi,” a ci hi. Ahih hangin amah in Pasian’ mipa tungah zuau genin a phuahtawm ahi hi.

Late 56:7

amau’ khialhna hangin amaute thuk in. Pasian aw, hehna tawh tua mite lawnkhiasuk in.

Paunak 14:5

A citak teci in thuman bekbek gen tawntung a, a ginalo teci in zuau bekbek gen tawntung hi.

Paikhiatna 20:16

“Na vengte uh langkhatah a man loin teci na pang kei ding uh hi.

Paunak 14:25

Thutak a gen teci in nuntakna huzo a, zuauthu a gen teci in mi lehhek hi.