Paunak 19:25 - Tedim Bible

²⁵ Thu thei lote in satna bek tawh pilna ngahzo a, thungaihsun theite in taina lel tawh pilna ngahzo uh hi.

Tedim Bible Revision 2017

²⁵ Thu thei lote in satna bek tawh pilna ngah zo a, thungaihsun theite in taina lel tawh pilna ngah zo uh hi.

Paunak 19:25 Referans Kwoze

Paunak 21:11

Mi kiphasakte gim a kipiak ciangin mi mawkmawkte in pillawh uh a, mipilte a kihilh ciangin thutheihna-in nei uh hi.

Paunak 17:10

Mihai khat zavei a kisatna sangin mipil khat khatvei tai-na in bunzaw hi.

Paunak 15:5

A pa’ hilhna a ngai nuam lote mihai hi a, hilhna a mang nuamte mipil ahi hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisik kik un.

Thu-hilhkikna 21:21

Tua ciangin khuapi pasal khempeuh in suang tawh amah denglum ding uh hi. Tua bangin note’ sung panin siatna na siangsak ding uh hi. Tua hileh Israel-te khempeuh in za-in lau ding uh hi.

Thu-hilhkikna 13:11

Tua ciangin Israel-te khempeuh in za-in lau ding uh a, hih banga gitlohna note lakah bawlkik ngei nawn lo ding uh hi.

Late 141:5

Mipha pa kei hong vuasak inla, ahih hangin migilote ka lu sathau nilhsak kei in; bang hang hiam cih leh amau’ gitloh gamtatnate nakpitakin langpangin thu ka ngenngen hi.

Paunak 9:7

Mihaite thuhilh lecin hong maizumsak ding a, migilote thuhilh lecin hong sugawp ding hi.

Paunak 1:5

Mi ciimsate ciimsak semsemin, mi pilsate pilsak semsemin,