Paunak 19:2 - Tedim Bible

² Thuthei lopi-in lawpluatna hoih lo a, mawk nawhtatna in lungkhamna piangsak thei hi.

Tedim Bible Revision 2017

² Thu thei lopi-in lawp luatna hoih lo a, mawk nawh tatna in lungkhamna piangsak thei hi.

Paunak 19:2 Referans Kwoze

Paunak 21:5

Limtakin ngaihsunin geelgeelna pen hauhna lampi hi a, nawhsa-in lopthop hihna pen zawnna lampi ahi hi.

Filippi 1:9

Note a’ ding deihsakna tawh thu ka hong ngetsak thu in: Note’ lungsimah itna khang semsemin, a sia le a pha a mantakin khenthei-in a hoihpen na teeltheih nading uh ahi hi.

Paunak 29:20

Thu ngaihsun loin a pheng paupau mipa sangin mihai pa a dingin lametna omzaw lai hi.

ROM (Romans) 10:2

Amaute in Pasian a kin mahmah lamtak uh thei-in teci-in ka pang ngam hi. Ahi zongin amaute in a man lampi tawh kin kha lo uh hi.

Johan 16:3

Amaute in ka Pa ahi a, kei ahi zongin hong thei lo uh ahih manin tu-a bangin note a hong bawl ding uh ahi hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawknuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi. Tua suang tungah, ‘Hih a um mi in lungkhamna tuaklo ding hi,’ ci-in kigelh hi.

Paunak 28:20

A citak mipa in thupha tampi ngah ding a, a hau baih nuam mipa in gim tuak pelmawh ding hi.

Thuhilh-sia 12:9

Thugen Siampa, mipil ahih banah, amah in ama theihteng mite tungah a hilh hi. Amah in paunakte limtakin sin a, a man ahihna thu hoihtakin entel hi.

Thuhilh-sia 7:9

Heh pahpah kei in; hehna a haihuai ahi hi.

Paunak 28:22

A huaiham mi in a hauh nadingin huai mengmeng a, a tawpna-ah a zawn’ ding lamtak phawkkha lo hi.

Paunak 25:8

Thu khatpeuh na theih ciangin thukhen zum tun pah kei in. Na vengpa in nang’ khialhna hong laktel kik leh nang bang lawh nawn ding na hi hiam?

Paunak 14:29

A lungduaite mipil hi a, lungtomna pen haina kilatna ahi hi.

Paunak 1:16

Amaute a sia-in gamta nuam vanvan uh a, mi thah ding lamsang haksa sa het lo uh hi.

Paunak 10:21

Mihoihte’ thugente in mi tampi nuamtuamsak a, mihaite in a hai sihpih uh hi.

Isaiah 27:11

A hiangte a keu ciangin kitan hi. Nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsak pa in amaute tungah maipha lak lo ding hi.

JOB (Job) 31:5

“Ka gitloh gamtat ngei lohna, kuamah ka khem ngei hetlohna, ka gamtat hoihna thute-ah ka kiciam ngam hi.

2 KUMPI NIHNATE 4:39

Amaute khat meh zong dingin gamlakah pai a, vatak-um gui khat mu-in tua tung panin a ang dimin umgah lo a, tuate bang hiam cih thei lopi-in hong pai-in mehbeel sungah atnen hi.