Paunak 19:13 - Tedim Bible

¹³ Tapa hai pen a pa’ lungkhamna hi a, zi phunphun pen a theu thei lo guahciin tawh kibang hi.

Tedim Bible Revision 2017

¹³ Tapa hai pen a paʼ lungkhamna hi a, zi phunphun pen a theu thei lo guahciin tawh kibang hi.

Paunak 19:13 Referans Kwoze

Paunak 27:15

Phun bekbek a thei zi pen theu hun mel a nei lo guahciin tawh kibang hi.

Paunak 21:9

Phun bek a thei zi tawh inn sungah tenkhop sangin innkhumzang kiu khatah tangten’ hoihzaw tham hi.

Paunak 10:1

Hihte pen Solomon’ paunakte ahi hi: Ta pil in a pa lungdamsak a, ta hai in a nu dahsak hi.

Paunak 25:24

Phun bek a thei zi tawh inn sungah tenkhop sangin innkhumzang kiu khatah tangten’ hoihzaw tham hi.

Paunak 21:19

A phun hat zi gilo tawh tenkhop sangin gam simthamah khat guak tangten’ hoihzaw hi.

Paunak 17:25

Ta hai in a pa dahsak a, a nu lungkhamsak hi.

Paunak 17:21

Tapa hai pen a pa’ lungkhamna hi a, ta hai a nei pa a lung dam lo hi.

JOB (Job) 14:19

Tui in suangte nawtkhia-in, guahtui in lei a nawtkhiat bangin nangmah in mihingte’ lametna na beisak hi.

Paunak 15:20

Ta pilte in a pa lungdamsak a, ta haite bek in a nu simmawh hi.

Paunak 17:17

Lawm citak in a tawntungin hong it a, i sanggamte pen i lungkhamna a hong thuakpih dingin a piang ahi hi.