Paunak 19:1 - Tedim Bible

¹ Zuau genin mihai hihna sangin citakin zawn’ khiukheuna hoihzaw hi.

Tedim Bible Revision 2017

¹ Zuau genin mihai hihna sangin citakin zawn khiukheuna hoih zaw hi.

Paunak 19:1 Referans Kwoze

Paunak 28:6

Hau napi-in lungsimkawi mi hihna sangin zawng napi-in paubaan neih lohna hoihzaw hi.

Mattiu 16:26

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam? A nuntakna bang tawh leikik thei nawn ding ahi hiam?

Paunak 16:8

Thuman loin hauhna sangin thumanin tawmno neihna a hoihzaw ahi hi.

Paunak 19:22

Duhhopna pen mindaina hi a, zuau gen pa hihna sangin mizawng hihna hoihzaw lai hi.

Paunak 20:7

Mi khat thumanin a hoihin a nuntak leh ama suanlekhakte mi hampha ahi uh hi.

Paunak 15:16

Hau napi-in lungkham sangin zawng napi-in Topa zahtakna hoihzaw tham hi.

Paunak 14:2

Thumanin a gamta mite in Topa zahtak uh a, a sia-in a gamta mite in Topa simmawh uh hi.

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh a nin hi. Na mukte un zuauthu gen a, na leiite un gitlohna thu a gen hi.

Late 37:26

Amah in mi citpiak ngitngetin, mi tungah leitawi piakhia a, a suanlekhakte zong thupha ngah mi a suak hi.

Paunak 12:26

Midikte in a gamtatna uh tel et a, migilote a gamtatna un lam pialsak hi.

Late 26:11

Ahih hangin kei ahihleh, ka hoih gamtat hi. Hong hehpih inla, kei hong honkhia in.

1 SAMUEL MASA 25:25

Ka topa in hih a khansia mipa Nabal ngaihsun kei in; bang hang hiam cih leh ama min mah bangin amah zong a tuaci mah ahi hi. Nabal ama min hi a, haina in amah vukcip hi. Ahih hangin na nasemnu keimah in nangma hong sawl na tangvalte ka mukha kei hi.

1 SAMUEL MASA 25:17

Tua ahih ciangin hih thu thei inla, na hih ding ngaihsun in. Bang hang hiam cih leh ka topa le a innkuan khempeuh tungah siatna tunsak ding kingaihsun a, amah a khansia ahih manin kuamah in hopih thei lo hi,” a ci hi.

Paunak 4:24

A man lo thu gen ngei kei inla, zuauthu le a kiza khial thei ding kammalte zang het kei in.