Paunak 18:6 - Tedim Bible

⁶ Mihaite in kitotna ding a pat ciangin hong sat un, ci-in a ngenngen ahi hi.

Tedim Bible Revision 2017

⁶ Mihaite in kitot nading a pat uh ciangin hong sat un, ci-in a ngenngen ahi hi.

Paunak 18:6 Referans Kwoze

Paunak 27:3

Suangtum le sehnel gik mahmah a, ahi zongin mihaite’ piansak lungkhamna gikzaw lai hi.

Paunak 29:9

Mipil khat in mihai khat tawh zumah thu nei leh mipil pa tungah hehin zahko a, phattuamna piang tuan lo hi.

Paunak 25:24

Phun bek a thei zi tawh inn sungah tenkhop sangin innkhumzang kiu khatah tangten’ hoihzaw tham hi.

Paunak 20:3

Kitot khak ding pelhna in pahtak ngahna hi a, mihaite bek kitot ding ut uh hi.

Paunak 19:29

Mi a thusim lote in ciangduai thuak uh a, mihaite in satna thuak uh hi.

Paunak 19:19

Migilo pa ama thuak ding gimna mah thuaksak zaw in. Honkhia lecin na hotkhiatkik zelzel kul ding hi.

Paunak 17:14

Kitot i kipat ciangin tui lipi cinna phung kehsakkhak tawh kibang hi. Tua ahih manin a nasiat ma-in kitot khawlpak in.

Paunak 14:16

Mipilte kidawmin siatna panin kihem a, mihaite in thu ngaihsun masa loin gamta pahpah hi.

Paunak 14:3

Mihaite a pau ciangin siatna thuaklawh uh a, mipilte’ pauna in siatna ding pan pengsak hi.

Paunak 13:10

Hilh ding ut lo, kihihsakna in kitotna bek piangsak thei a, hong kithuhilh ding utna pen a hoihzaw ahi hi.

Paunak 12:16

Mihaite in a hehna uh langsakpah uh a, mipilte in a hehna uh ipzo hi.

Paunak 22:10

Mi kiphasakte hawlkhia lecin kitotna le kisimmawhna bei pah ding hi.