Paunak 18:4 - Tedim Bible

⁴ Mihingte’ kampau pen pilna kipatna suak thei a, tuipi bangin thuk-in luitui bangin a siang hi.

Tedim Bible Revision 2017

⁴ Mihingteʼ kampau pen pilna kipatna suak thei a, tuipi bangin thuk-in luitui bangin a siang hi.

Paunak 18:4 Referans Kwoze

Paunak 20:5

Mihingte’ ngaihsutna pen a thuk sunga om tui tawh kibang a, thuthuk mu theite bek in suahkhia thei hi.

Paunak 10:11

Mihoihte’ kampaute pen nuntakna tuinak bang a, migilote in thusia bekbek gen uh hi.

Kolose 4:6

Kam na pau uh ciangin mi’ zaknop, mi’ ngaihnop dingin na pau un. Tua hileh na kihopih uh mite khempeuh a dingin phattuamna a nei kam a pau na hi ding uh hi.

Johan 4:14

ahi zongin keima piak ding tui a dawn khempeuh dangtak kik nawn lo ding uh hi. Tua ka piak tui a dawnte sungah nuntakna tuinak piang ding a, a nungtasak paisuak ding hi,” a ci hi.

Paunak 13:14

Mipilte’ thuhilhna pen nuntakna tuinak bang hi a, sihna thang tawh kipelhna ahi hi.

Kolose 3:16

Khrih thu a cingtakin note lungsimah hong om hen la, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte, le biakna late na sa un.

Mattiu 12:34

Gul bangin ngian a zang note aw, migilo na hih uh ciangin bangci-in thuhoih genthei mah ding na hi uh hiam? Bang hang hiam cih leh lungsim sunga thu om pen kam in a genkhia hi bek hi.

Late 78:2

Note tungah thugentehna zangin ka kam ka-in thu ka hong gen ding hi. I pu i pate in hong gensa, eite in i zaksa le i theihsa, tanglai-a thuthukte ka hong genkhia ding hi.

Paunak 16:22

Pilna pen mipilte a dingin hinna tuinak bang hi a, mihaite ahihleh amau’ haina mah in gimna thuaksak hi.

Paunak 18:3

Mawhna bawl leeng maizumna tawh kizom pah a, minsiatna ngah leeng mindaina tawh kizom pah hi.