Paunak 18:10 - Tedim Bible

¹⁰ Topa’ min pen tausang muanhuai tawh kibang a, thuman mite in belin lungmuangin om thei uh hi.

Tedim Bible Revision 2017

¹⁰ Topaʼ min pen tausang muanhuai tawh kibang a, thuman mite in belin lungmuangin om thei uh hi.

Paunak 18:10 Referans Kwoze

2 SAMUEL NIHNA 22:3

ka Pasian, ka kihutna, ka bukna pa, lum bangin kei a hong dal, ka munmuanhuai le ka belh, keimah hong honkhia pa hi a, ngong hihna panin hong hon hi.

Late 91:2

Topa’ tungah, “Ka bukna le ka munkip muanhuai, ka muan ka Pasian na hi hi,” ci ding uh hi.

Isaiah 26:4

Topa Pasian in eite khempeuh hong hu tawntung ahih manin Topa muang tawntung un.

Late 144:2

Amah pen ka suangpi le ka munkip muanhuai, ka kulhpi le hong honkhia pa, ka lum le ka belh pa, ka nuai-ah mite a zopa ahi hi.

Late 27:1

Topa, ka khuavak le hong honpa ahi hi. Kua kihta ding ka hi hiam? Topa, kei a dingin munmuanhuai ahi hi. Bang laupih ding ka hi hiam?

Late 18:2

Topa pen keima suangpi, ka munkip muanhuai, kei a hong honkhia pa, ka Pasian, ka suangpi, ka belh pa, ka lum, ka kihotkhiatna ki, ka munkip ahi hi.

Piancilna 17:1

Abram kum sawmkua le kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

Mangmuhna 1:8

A beisa hun, tuhun, le mailam hunah zong a om tawntung ding a Vanglian Topa Pasian in, “Kei pen na khempeuh a Kipatna le a Tawpna ka hi hi,” a ci hi.

Mattiu 1:23

“Nungak khat gai-in tapa khat nei ding a, ama min dingin Emmanuel kiphuak ding hi,” ci hi. Emmanuel a khiatna in, eite tawh Pasian hong omkhawm hi, a cihna ahi hi.

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

1 SAMUEL MASA 30:6

David nakpitakin lungkham hi. Bang hang hiam cih leh mi khempeuh a tanu a tapate uh hangin lungsimsia uh ahih manin amaute in suang tawh amah den ding gen uh hi. Ahih hangin Topa a Pasian in David thakhauhsak hi.

Jeremiah 23:6

Ama hun hong tun ciangin Judah mite kihonkhia ding a, Israel mite lungmuang takin a teng ding uh hi. Amah a kilawh nadingin a min, ‘Topa, Eite’ Diktanna,’ ci-in a kiphuak ding hi.

Late 91:14

Itna tawh hong bel ahih manin amah ka honkhia ding a, ka min hong thei ahih manin mun sangna-ah amah ka koih ding hi.

Habakkuk 3:19

Topa Pasian, keima thahatna ahi hi; sakhi khe bangin ka khe hong zaptelsak a, mun sangna-ah lungmuang takin kei hong paisak hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

2 SAMUEL NIHNA 22:51

Zawhna lianpi ama kumpipa tungah pia a, a sathau nilh pa David le a suanlekhakte tungah a tawntungin itna kip a lak hi,” a ci hi.

Piancilna 32:11

Ka sanggampa Esau’ khutsung pan kei hong khahkhia in, kong thum hi. Bang hang hiam cih leh amah hong pai-in kote khempeuh, nute, naupangte tawh hong thah khit khak ding ka lau hi.

Paikhiatna 6:3

Abraham, Isaac, le Jakob-te’ tungah Vanglian Pasian-in ka kilang a, ahih hangin Topa ahi keima min tawh amaute’ tungah kei ka kitheisak kei hi.

2 SAMUEL NIHNA 22:2

Amah in, “Topa, kei hong hupa, ka kulhpi, kei hong honkhia pa,

Paunak 14:26

Topa a zahtak mi in lungmuanna nei a, a tate’ belhtheih ding mi kician ahi hi.

Paunak 29:25

Midangte kihtakna in hong lunghimawhsak a, Topa muanna in hong lungmuangsak hi.

1 SAMUEL MASA 17:45

Tua ciangin David in Filistia-pa kiangah, “Namsau, teipi, le teikhawh tawh kei kiangah nang nong kuan hi. Ahih hangin kei pen Israel galkapte’ Pasian, a Vanglian Topa, nangmah in na to mipa’ min tawh nang kiangah kong kuan hi.

Late 20:2

Siangtho mun panin huhna nang hong puak hen la, Zion panin nang hong panpih ta hen!