Paunak 18:1 - Tedim Bible

¹ Midangte tawh a kipawlthei pha lote amah bek thupi a kisate hi a, midangte’ cih khempeuh man a sak khat beek om lo hi.

Tedim Bible Revision 2017

¹ Midangte tawh a kipawl thei pha lote amah bek thupi a kisate hi a, midangteʼ cih khempeuh man a sak khat beek om lo hi.

Paunak 18:1 Referans Kwoze

Paunak 20:3

Kitot khak ding pelhna in pahtak ngahna hi a, mihaite bek kitot ding ut uh hi.

Jeremiah 15:17

Mi gualnuam mawkmawkte tawh ka kikhawl kei a, zong ka lungdam khawm kei hi. Nangma thu kong manna hangin kei tangkai ka hih manin a hehin ka omden hi.

Paunak 24:21

Ka ta aw, Topa le kumpipa zahtak khawm inla, amau a langpangte tawh kipawlkha kei in.

Juda 1:19

Hih mite in pawl kikhenna piangsakin, amau pumpi deihna bangin gamta uh a, Kha Siangtho zong nei lo uh hi.

Marka 1:35

A zing ciang phalvak ma-in Jesuh tho-in gamdaihna mun khatah na pai-in thu a ngen hi.

Paunak 14:10

Lungdamna le lungkhamna eimah bek in i theih hi a, midang kuamah in hong phawkpih kha lo hi.

Mattiu 13:44

“Vantung ki-ukna pen lolai-ah a kiseel sum tawh kibang hi. Mi khat in a muh ciangin limtakin a seelpha hi. Amah lungdam mahmahin a inn-ah ciahpah a, a neih khempeuh a zuak khit ciangin tua lo a lei hi.

Paunak 26:17

Eite tawh a kisai lo kitotna sunga kiphumna pen ui ommuang khat a bil-in i kaihsak tawh kibang hi.

Paikhiatna 33:16

Bang hang hiam cih leh keimah le nangma mite in nangma muhna-ah maipha ka ngahna uh bang ci-in kithei ding ahi hiam? Leitung a om mi khempeuh tungah keimah le nangma mite ka tungnunna uh pen kote tawh nang nong paikhopna hi lo ahi hiam?” a ci hi.

Paunak 20:19

Mi a gensia kawikawite in thu im thei lo hi. Tua banga mi haipaute tawh kikhawl kei in.

Paunak 17:14

Kitot i kipat ciangin tui lipi cinna phung kehsakkhak tawh kibang hi. Tua ahih manin a nasiat ma-in kitot khawlpak in.

ROM (Romans) 1:1

Pasian kiang panin a hong pai Lungdamna Thu a hilh dingin Pasian’ teelna tawh sawltak ahi, Jesuh Khrih’ sila keimah Paul in lai ka hong khak hi.

Marka 4:11

Jesuh in, “Pasian’ Ukna tawh kisai thusim, Pasian in note tungah hong gen khinzo hi. Ahi zongin a pualama om mite tungah na khempeuh, thugentehna bek tawh kigen hi.

Mattiu 13:11

Jesuh in, “Vantung ki-ukna tawh kisai thusim note tungah hong kihilh a, ahi zongin amaute tungah kihilh lo hi.

2 KORIN NIHNA 6:17

Tua ahih manin Vanglian Topa keimah in kong genin-ah: Amaute tawh kikhenin amaute kiang panin paikhia unla, a siang lo peuhmah sukha kei un. Tua hileh note ka hong ngai ding hi.

Paunak 3:21

Ka ta aw, pilna le thu ngaihsut theihna len tawntung inla, cikmah ciangin khahsuah ngei kei in.

Paunak 8:14

Thu geelin ka semkhia a, thu theihtelna nei-in, kei ka thahat hi.

Thu-hilhkikna 14:6

Ganhingte lak panin a khecin a ka, eknel a hai ganhing peuhmah na ne thei ding uh hi.