Paunak 17:8 - Tedim Bible

⁸ Sumgolh a zangte in ai bangin ngaihsun uh a, a deih khempeuh uh a ngahsak dingin ngaihsun uh hi.

Tedim Bible Revision 2017

⁸ Sumgolh a zangte in ai bangin ngaihsun uh a, a deih khempeuh uh a ngahsak dingin ngaihsun uh hi.

Paunak 17:8 Referans Kwoze

Paikhiatna 23:8

Sumgolh na la kei ding uh hi. Bang hang hiam cih leh sumgolh in uliante’ mit tawsak a, thuman mite’ thu heikhiatsak hi.

Micah 7:3

A sia lama gamtat ding siam mahmah uh a, uliante le thukhente in sumgolh ngenin, miliante in amau’ deihteng pulak uh a, kipawlin vaihawm khawm uh hi.

Amos 5:12

Bang hang hiam cih leh na khialhna tampite uh le na mawhna tampite uh a vekin ka thei khin hi. Thuman mite gimsakin, sumgolh na la uh a, thukhenna zumah mizawngte’ thu a manin na khen kei uh hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnu’ thu amaute in sang lo uh hi.

Paunak 21:14

A simthamin letsong piakna in hehna damsak a, puannuai tawi in sinsona daisak hi.

Paunak 17:23

A ginalo thukhente in sumgolh sangsim uh a, a thukhenna uhah thuman om nawn lo hi.

1 SAMUEL MASA 25:35

Tua ciangin David in ama tung panin amah a puakte a sang hi. Amah in tua nu kiangah, “Lung nuamin na inn-ah ciahto ta in. Na thu ka ngai a, nong thumna kong pia khin hi,” a ci hi.

Thu-hilhkikna 16:19

Thutang na heikhia kei ding uh a, angvan tuam na nei kei ding uh hi. Sumgolh in mipilte’ mit tawsakin thumante’ thu heikhia ahih manin sumgolh na la kei ding uh hi.

Piancilna 43:11

Tua ciangin a pa uh Israel in amaute kiangah, “A tuaci bang ding ahihleh hih bangin gamta un: Gam sunga singgah limci pente pua unla, mipa’ tungah letsongin lingsi tawm, khuaizu tawm, singnai, myrrh paknamtui, pistakhio gah, le almond gahte puak suk un.

Late 29:4

Topa’ awging vanglian a, Topa’ awging, liatna tawh kidim hi.

Late 21:13

Topa aw, na hatna hangin nang hong kipahtawi ta hen! Nangma vangliatna la sa-in ka hong phat ding uh hi.

Late 19:6

Ama suahna van mong pan hi a, mong khat dongin pai a, ama satna panin a kiliah thei bangmah om lo hi.

Late 18:16

Amah in a sangna panin a khut tawh zamin kei hong la a, tui thukpi panin keimah hong kaikhia hi.

Thuhilh-sia 7:7

Mipil khat in midangte a khem ciangin mihai bangin a gamta ahi hi. Sumgolh lakna in a lapa’ gamtat hoihna siasak hi.

Piancilna 32:14

keelpi zanih le keeltal sawmnih, tuupi zanih le tuutal sawmnih,

Piancilna 32:21

Tua ahih ciangin letsong a piak dingte, ama mai-ah paisak a, amah ahihleh tua zanin giahphual ah a giak lai hi.

Paunak 18:16

Letsong in a piapa a dingin lampi honsak a, miliante tawh kimusak thei hi.