Paunak 17:21 - Tedim Bible

²¹ Tapa hai pen a pa’ lungkhamna hi a, ta hai a nei pa a lung dam lo hi.

Tedim Bible Revision 2017

²¹ Tapa hai pen a paʼ lungkhamna hi a, ta hai a nei pa a lung dam lo hi.

Paunak 17:21 Referans Kwoze

Paunak 10:1

Hihte pen Solomon’ paunakte ahi hi: Ta pil in a pa lungdamsak a, ta hai in a nu dahsak hi.

Paunak 19:13

Tapa hai pen a pa’ lungkhamna hi a, zi phunphun pen a theu thei lo guahciin tawh kibang hi.

Paunak 17:25

Ta hai in a pa dahsak a, a nu lungkhamsak hi.

Paunak 15:20

Ta pilte in a pa lungdamsak a, ta haite bek in a nu simmawh hi.

Piancilna 26:34

Esau kum sawmli a phak ciangin, Hit mi Beeri’ tanu Judith le Hit mi Elon’ tanu Basemath zi-in la hi.

3 JOHAN THUMNA 1:4

Tate bangin ka hong neih mite a mantakin a gamtatna uh ka zakna hangin ka lungdamna sangin adang lungdamna lianzaw bangmah om lo hi.

2 KORIN NIHNA 2:3

Kei lungdam leng note khempeuh zong a lungdam ding na hihna uh teltakin thei ka hih manin, kei a hong lungdamsak ding note in kei’ dahna nong piansakkhak loh nading uh ka deihna tawh kei hong pai loin tua lai a hong gelh ka hi hi.

2 SAMUEL NIHNA 18:33

Tua ciangin kumpipa’ lungsim nakpitakin sukha a, kulhkongpi tunga inndei sungah paito-in a kap hi. A paikawmin amah in, “Aw ka tapa Absalom, ka tapa, ka tapa Absalom! Nangma tangin kei sizaw taleng. Aw Absalom, ka tapa, ka tapa!” a ci hi.

1 SAMUEL MASA 8:3

Ahih hangin a tapate amah bangin gamta lo uh a, sum ngah ding lam bek kin uh ahih manin sumgolh la-in thuman heikhia uh hi.