Paunak 16:24 - Tedim Bible

²⁴ Kam khum pen khuaizu bang hi a, i kamah khum a, i pumpi a dingin zong hoih mahmah hi.

Tedim Bible Revision 2017

²⁴ Kam khum pen khuaizu bang hi a, i kam ah khum a, i pumpi adingin zong hoih mahmah hi.

Paunak 16:24 Referans Kwoze

Paunak 12:18

Ngaihsun lo-a kampauna in tem hiam bangin mi liamsak thei a, mipilte’ kampauna in tua bang liamna damsak thei hi.

Paunak 4:22

Bang hang hiam cih leh tua thu a zuite in nuntakna le cidamna-in a nei uh hi.

Paunak 3:8

Tua hileh nang a dingin damna zatui tawh kibang ding a, na meimate hong damsakin na natnate hong daisak ding hi.

Paunak 23:16

Thuman na gen ciangin ka nuam mahmah ding hi.

Paunak 27:9

Sathau namtui le paknamtui in lung nuamsak a, lawmte’ limbawlna in tha hatsak hi.

Late 119:103

Nangma thute khum mahmah a, khuaizu sangin khumzaw hi.

Late 19:10

Kham sangin ahi zongin kham hoihpen sang ahi zongin tuate deihhuaizaw a, khuaizu le khuailuzu taakte sangin zong khumzaw lai hi.

Jeremiah 15:16

Na thute in kei hong kem a, an bangin ka ne hi. Na thute kei a dingin kipahna le lungdamna ahi hi. Bang hang hiam cih leh nangma minin kei hong kilo hi, aw, Topa, Vanglian Pasian aw.

Paunak 15:26

Topa in migilote’ ngaihsutna kihhuaisa a, midikte’ kampaunate hoih a sa hi.

Thu-hilhkikna 32:2

Ka thuhilhte guahmal bangin zu-in, ka thugente daitui bangin kia hen la, lo ngeek tunga guah phin leh ankung tunga guahzu bang tahen.

Paunak 15:23

A hun mahin dawnpah theihna lungkimhuai a, a kilawm kammal tawh dawnpah theihna hoihzaw kan hi.

Solomon la 4:11

Lawm aw, na muk, khuaizu bangin khum a, na leii, bawngnawi le khuaizu bang hi. Na puante Lebanon Mual tunga paknamtui namkim a nam hi.

Paunak 17:22

Maitaina in ci damsak a, maigum tawntungna in guhtui teepkang hi.

Thuhilh-sia 12:10

Thugen Siampa in a zaknophuai kammal khawm a, ama gelh kammalte a man taktak ahi hi.

Mangmuhna 10:10

Kei zong tua vantungmi’ khutsung panin a laizial neu la-in ka ne hi. Ka kamah khuaizu bangin khum dekdak a, ahi zongin ka nekkhit ciangin ka gil sung thuk velvalsak hi.