Paunak 15:27 - Tedim Bible

²⁷ A man loin sum ngahna in innsung lungkhamsak a, sumgolh a deih lote a nuntak sauvei nuam hi.

Tedim Bible Revision 2017

²⁷ A man loin sum ngahna in inn sung lungkhamsak a, sumgolh a deih lote a nuntak sauvei nuam hi.

Paunak 15:27 Referans Kwoze

Paunak 1:19

Zawhthawh thu tawh mi’ na a sutte in sihlawh tawntung zaw a, hih bangin a gamtate in tua bangmah tuak ngitnget hi.

Paikhiatna 23:8

Sumgolh na la kei ding uh hi. Bang hang hiam cih leh sumgolh in uliante’ mit tawsak a, thuman mite’ thu heikhiatsak hi.

Jeremiah 17:11

Thuman lopi tawh a hau mi pen ama tui lopi a keuhsak dingin a opsim vasa tawh kibang hi. A khanlai-in a neihsa teng taan ding a, a tawpna-ah mihaipi a suak ding hi.

Paunak 11:29

A innkuan sung a ukkhial mite hawmsuak ding a, a haite pen mipilte’ sila suak tawntung ding hi.

Thu-hilhkikna 16:19

Thutang na heikhia kei ding uh a, angvan tuam na nei kei ding uh hi. Sumgolh in mipilte’ mit tawsakin thumante’ thu heikhia ahih manin sumgolh na la kei ding uh hi.

Paikhiatna 18:21

Tua tham loin, mi khempeuh lak panin Pasian a zahtak mi, a muanhuai mi le sumgolh a mudah mi, mi siamte na teelkhia ding hi. Tua bang mite pen a tul, a za, a sawmnga, a sawmte tungah a uk dingin na koih ding hi.

Paunak 29:4

Thumanin a gamta kumpi in a gam kipsak a, sum bek a ngaihsun kumpi in a gam siasak hi.

Paunak 28:16

Ngaihsut siamna a nei lo gam ukpa a gilo kumpi hi ding a, thuman tawh ngah ding bek a deih mipa in sauveipi uk ding hi.

Paunak 20:21

A baih lamin hauhpakna pen a tawpna-ah phattuamna om lo hi.

Paunak 11:19

Thumanin gamtat ding a hanciamte nungta ding a, a sia-in a gamta teiteite si ding uh hi.

2 KUMPI NIHNATE 5:27

Tua ahih ciangin nangma tung le na suanlekhakte tungah Naaman’ phakna hong belh tawntung ta hen,” a ci hi. Tua ahih ciangin ama omna panin vuk bangin kangin a phakin a paikhia hi.

Joshua 6:18

Ahih hangin suksiat dingin a kiseh nate panin nomau mah na kikem ding uh hi. Tua hikeileh tuate na suksiat ding uh ciangin a kisusia ding nate khat peuhpeuh iplahin la kha-in Israel-te’ giahphual sungah siat nading na khat suaksakin haksatna na tun kha ding uh hi.

Thu-hilhkikna 7:26

Note’ inn sungah a kihhuai nate na tumpih kei ding uh a, tua nate tawh kibangin samsiat a thuak mi na kisuaksak kei ding uh hi. Note in tua nate mudah mahmahin na kih ding uh hi. Bang hang hiam cih leh tua nate a kisamsia na ahi hi.

1 TIMOTI MASA 6:9

Ahi zongin a haunuam mite in ze-etna a tuamtuam thuak a, duhhopna, huaihamna a haivai thute-ah awkcipin, haksatna le siatna a tuahlawh uh hi.

1 TIMOTI MASA 6:10

Sum deihluatna in siatna namkim piangsak hi. Mi pawlkhat in sum deihlua liang uh ahih manin a upna panun pialkhia-in gimna lungkhamna tampi a thuaklawh uh hi.

1 SAMUEL MASA 12:3

Hih lai-ah ka om hi; ka mawhna a om leh Topa’ mai le a sathau nilh pa’ mai-ah ka mawhna hong pulak un. Kua’ bawngtal ka laksak hiam? Ahih kei leh kua’ la ka laksak hiam? Ahih kei leh kua khem ka hi hiam? Kua nengniam ka hi hiam? Ahih kei leh keima mit a tawsak dingin kua’ tung panin sumgolh la ngei ka hi hiam? Ka mawhna nong lah theih uhleh kong dinkik ding hi,” a ci hi.

Paunak 15:26

Topa in migilote’ ngaihsutna kihhuaisa a, midikte’ kampaunate hoih a sa hi.

Paunak 23:4

Hauhnop man bekin sum’ sila suak kei unla, a man loin gamtakha kei un.

Paunak 28:25

A huaiham mi in kitotna piangsak a, Topa a muang mite mihau hi ding hi.

1 KUMPI MASATE 2:40

Shimei dingin la khat a van vawhin a silate a zong dingin Gath-a Akhish kiangah pai a, Gath panin a silate a ciahpih hi.

Late 15:5

ama sum a meetin a kha lo, thutang mite a langpan lo, golhguk a la lo mite teng ding uh hi. Hih bangin a gamtate pen ling ngei lo ding hi.