Paunak 15:24 - Tedim Bible

²⁴ Mipilte in nuntakna lampi zuito uh a, sihna lampi zuisuk lo uh hi.

Tedim Bible Revision 2017

²⁴ Mipilte in nuntakna lampi zui to uh a, sihna lampi zui suk lo uh hi.

Paunak 15:24 Referans Kwoze

Late 16:11

Nangmah in nuntakna lampi keimah nong lak hi. Nangma omna munah lungdamna lianpi om a, nangma taklamah nop tawntungnate a om hi.

Filippi 3:20

Ahi zongin eite ihih leh vantung gam mite ihi a, vantung panin a hong pai ding Topa Jesuh Khrih, eite’ Honpa, lawptakin a ngakte ihi hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Mattiu 7:14

Ahi zongin nuntak tawntungna tun nading kong kawcikin a lampi haksa a, mi tawmno bek in a zuizo uh hi.

Jeremiah 21:8

Topa in Jeremiah hopih a, “Jeremiah aw, hih mite kiangah, ‘Topa in a cihin-ah: En un, na mai uhah nuntakna lampi le sihna lampi ka khung hi.

Paunak 23:14

Ciangduai tawh sat le-uhcin nuntaklawh zaw ding uh hi.

Paunak 7:27

Tua bang numei zuihna pen sihna gam zuatna hi a, sih baihna ding lampi zuatna ahi hi.

Paunak 6:23

Bang hang hiam cih leh thukham le a hilhnate pen a taang mahmah khuavak bang hi a, khalna le hilhnate pen nuntakna ding lampi hi a,

Paunak 5:5

Amah in sihna gamah nang hong paipih ding a, ama tot lampi pen sihna mun tunna lampi ahi hi.

Paunak 2:18

Tua nu’ inn-ah pai lecin sihna lampi a zui na hi a, misite gam a zuan na hi hi.

Paunak 9:8

Mihaite thuhilh kei in; hong mudah ding uh hi. Mipilte thuhilh in; hong it ding uh hi.

Late 139:24

Kei sungah siattheihna a omkha hiam hong en inla, tawntung lampi-ah kei hong kha in.

Thu-hilhkikna 32:22

Bang hang hiam cih leh ka hehna in mei tawhkuang a, Leinuaite’ gamdong a kuang hi. Leitung le a tunga piangte kangtum a, mualte’ bulpite kuangsak hi.

Paunak 4:18

Ahi zongin thuman mite’ zuih lampi ahihleh sun dong a taang pha semsem zingsang khuavak tung tawh kibang hi.