Paunak 15:12 - Tedim Bible

¹² A kihisak mite in kithuhilhna ngai nuam lo uh a, mipilte kiangah thu dong ngei lo uh hi.

Tedim Bible Revision 2017

¹² A kihisak mite in kithuhilhna ngai nuam lo uh a, mipilte kiangah thu dong ngei lo uh hi.

Paunak 15:12 Referans Kwoze

Amos 5:10

Note in thukhen zumah thutang a deih pa na mudah uh a, thuman a gen pa na hua uh hi.

JOB (Job) 21:14

“Migilote in Pasian nawlkhin uh a, Pasian in amau’ nuntak ding a deihsakte thei nuam lo uh hi.

2 TIMOTI NIHNA 4:3

Mite in thuman a ngaih nop loh hun, amaute’ deihna bek a zuihnop hun, amaute’ zaknop thute bek a gen ding sia a cial thuahthuah hun hong tung ding hi.

Johan 7:7

Leitung mite’ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.

Paunak 15:10

A gamta khial mite nakpitakin kithuhilh a, thukihilhna a mang nuam lote in sihna thuak ding uh hi.

2 KHANG TANGTHU NIHNATE 18:7

Tua ciangin Israel kumpipa in Jehoshafat kiangah, “Eite in Topa thu i dot theih nading Imlah’ tapa Mikaiah a kici mi khat omlai hi. Ahih hangin amah in kei tawh kisai a hoih thu gen ngei loin a sia bekbek gen tawntung ahih manin amah ka mudah hi,” a ci hi. Tua ciangin Jehoshafat in, “Tua bangin kumpipa in ci kei in,” a ci hi.

Paunak 13:1

Ta pil in a pa’ hilhna mang a, a kihisak mi in a khial min pua nuam lo hi.

Paunak 1:22

“Mihaite aw, bang tanvei hai omom nuam na hi uh hiam? Bang tanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Paunak 14:6

Mi a simmawh theite in pilna a zon uh hangin ngah zo lo uh a, thungaihsun theite in olno takin ngah thei uh hi.