Paunak 15:1 - Tedim Bible

¹ Kam nemin dawnna in hehna damsak a, kam khauh in hehna piangsak hi.

Tedim Bible Revision 2017

¹ Kam nemin dawnna in hehna damsak a, kam khauh in hehna piangsak hi.

Paunak 15:1 Referans Kwoze

Paunak 25:15

Lungduai a zolzolna tawh gam ukte kizo thei a, kam nemin pauna tawh aana neite kizo thei hi.

Paunak 10:12

Muhdahna in kitotna piangsak a, itna in mawhna khempeuh maisak hi.

Paunak 15:18

Lungtomna in kitotna piangsak a, lungduaina in kilemna piangsak hi.

Paunak 29:22

A heh pahpahte in kitotna piangsak a, a heh baihte khial thei tawntung hi.

Paunak 28:25

A huaiham mi in kitotna piangsak a, Topa a muang mite mihau hi ding hi.

2 SAMUEL NIHNA 19:43

Tua ciangin Israel mite in Judah mite dawngin, “Kumpipa sungah tanh sawm ka nei uh a, David’ sungah note khempeuh sangin tam ka neizaw uh hi. Tua ahih ciangin bang hangin note in kote hong simmawh na hi uh hiam? Kote pen i kumpipa ciahpih kik ding a gen masate hi lo ka hi uh hiam?” a ci uh hi. Ahih hangin Israel mite’ kammal sangin Judah mite’ kammal kihtakhuai zaw hi.

1 KUMPI MASATE 12:7

Tua ciangin amaute in ama kiangah, “Nangmah in tuni-in hih mite’ deihna bang zui inla, amaute na dawn ciangin kamhoih pau lecin, amaute pen a tawntungin nangma nasemte hi ding uh hi,” a ci uh hi.

2 KHANG TANGTHU NIHNATE 10:7

Tua ciangin amaute in ama kiangah, “Hih mite tungah nang dik inla, amaute lungkimsakin amaute tungah kam hoih pau lecin, amaute nangma nasem hi tawntung ding uh hi,” a ci uh hi.

JOB (Job) 41:3

Amah in na khahna ding hong thum ding a, na hehpihna ding hong ngen ding ahi hiam?

Paunak 29:8

Thu a khual lote in khua sungah buaina lianpi piangsak a, mipilte in tua buaina daisak thei hi.

Sawltak 19:41

Hih thuteng a genkhit ciangin mihonte a ciahsak hi.