Paunak 14:7 - Tedim Bible

⁷ Mihaite tawh kikhawl kei in; amau’ kiang pan pilna na ngah kei ding hi.

Tedim Bible Revision 2017

⁷ Mihaite tawh kikhawl kei in; amauʼ kiang pan pilna na ngah kei ding hi.

Paunak 14:7 Referans Kwoze

Paunak 13:20

Mipil tawh kikhawl lecin na pil ding a, mihai tawh kikhawl lecin gimna na thuak ding hi.

Efesa 5:11

Khuamial gamtatna, bangmahin a kimang lo nasepnate su vet kei unla, tua bang gamtatnate a hoih lohna pholak zaw un.

1 KORIN MASA 5:11

Tua ka hong laigelhna sungah ka cihnopna pen, thu upna sungah unau khat hi hang, ci napi-in numei tawh a paktat, a huaiham, milim a bia, mi gensia, zukham, ahih kei leh a guta theite tawh kikhawl kei un, cihnopna ahi hi. Tua bang mite tawh an ne ding nangawnin zong na tukhawm kei un.

Paunak 9:6

Thu thei lote taisanin khansau unla, pilna lampi zui un,” cisak hi.

Paunak 19:27

Thuhilhna a mang nuam lo tapa pen pilna a thei kha lo ding tapa ahi hi.

Paunak 14:6

Mi a simmawh theite in pilna a zon uh hangin ngah zo lo uh a, thungaihsun theite in olno takin ngah thei uh hi.

Paunak 23:9

Mihaite pil hopih kei un; amaute in a manphatna phawk thei lo uh hi.

Jeremiah 28:11

Hananiah in zong mi khempeuh a om laitakin thu gen a, “Topa in, tu-a bangin Babylon kumpipa Nebukhadnezzar’ vangliatna kum nih sungin gam khempeuhte’ tung panin ka beisak ding hi, ci hi,” ci-in a gen hi. Tua ciangin kei ka paikhia hi.