Paunak 14:32 - Tedim Bible

³² Migilo pa ama tatsiatna in puksak a, mihoih pa ama hoihtatna in hu hi.

Tedim Bible Revision 2017

³² Migilo pa ama tatsiatna in puksak a, mihoih pa ama hoih tatna in hu hi.

Paunak 14:32 Referans Kwoze

2 TIMOTI NIHNA 4:18

Topa in siatna khempeuh panin kei hong honkhia ding a, ama vantung gamah muanhuai takin hong tunpih ding hi. Amah in a tawntungin minthanna ngah tahen. Amen.

2 KORIN NIHNA 5:8

Lungmuang takin a ki-om hithiat hi a, hih leitung pumpi nusia-in Topa tawh omkhawm ding a ki-utzaw ahi hi.

Late 23:4

Topa aw, kei hong ompih na hih manin khuamial thukpi ka nawk hangin ka lau kei hi. Na molhtum le na ciangkhut in kei hong hu hi.

Mangmuhna 14:13

Tua ciangin vantung panin awging khat ka za a, “Tu a kipanin Topa thu-ah a si mite mi hampha mahmah ahi hi, cihna gelh in,” a ci hi. Tua ciangin Kha Siangtho in, “Hi takpi hi. Amaute’ nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi,” ci-in a dawng hi.

Piancilna 49:18

“Nong hotkhiat ding ka ngak hi, Topa.

2 KORIN NIHNA 1:9

A si ding taktak hi ta hang, ci-in ka kingaihsun uh hi. Ahi zongin tua zahin ka thuakna uh pen kote’ thatang kimuang loin sihna panin misite a hingkiksak Pasian ka muantheih nadingun a piang ahi hi.

Paunak 24:16

Mihoihte sagihvei dong a puk hangin tho kikkik thei a, migilote ahihleh tuahsiatna thuakin kithallot hi.

Late 37:37

Paubaang lo mi ciamteh inla, thutang mi en in; bang hang hiam cih leh gal a phuang lo mi a dingin nopna a om hi.

JOB (Job) 13:15

Pasian in kei hong that mah taleh zong, phamawh ka sa kei hi. Ahi zongin ama mai-ah ka thu ka gen veve ding hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhatthu-in amaute tungah siatna hong tungvat ding hi. Nausuah natna bangin gimna thuak ding uh a, kuamah suakta lo ding uh hi.

Filippi 1:23

Hih thu nih khentat hak ka sa mahmah hi. Kei a dingin hoihzaw thampek ahih manin leitung pumpi si-in Khrih tawh omkhawm ding ka ut hi.

Filippi 1:21

Bang hang hiam cih leh Khrih a’ ding bekin a nungta ka hi a, si taleng zong kei a dingin hoihzaw semsem lai hi.

ROM (Romans) 9:22

Tua mah bangin Pasian in zong a beisa hunah siatna a thuak dingin a kilawm mite susia loin a ki-ipipna mite tungah a hehna le a vangliatna a lahtheih nading thu a neih mah bangin,

Johan 8:24

Kei pen, ‘Kei ka hihlam na hong up kei uhleh na mawhna uh a sihpih ding na hih manun, na mawhna uh na sihpih ding uh hi,’ ci-in ka hong genna pen hih thu hang ahi hi,” a ci hi.

Johan 8:21

Tua ciangin Jesuh in amaute kiangah, “Kei ka paikhia ding hi. Note in kei na hong zong ding uh a, ahi zongin na mawhna uh na sihpih ding uh hi. Ka paina-ah note na hong pai thei kei ding uh hi,” a ci hi.

Luka 2:29

“Topa aw, na thuciamna tu-in nong tungsak a, na nasempa keima lungsim nong nuamsak hi.

Paunak 6:15

Tua ahih manin theihkholh lohin ama tungah lungkhamna tung ding a, bawlkikzawh nawn loh dongin siatna ngah ding hi.

Late 58:9

Na beelte in lingkung kuang sa a sak ma-in, a hing a keu-in amah in phiatkhia mang hen.

Late 17:15

Kei ka hih leh, thumanna tawh na maitang ka en ding a, ka khanlawh ciangin nangma mel muhna tawh ka lungkim ding hi.

Late 16:11

Nangmah in nuntakna lampi keimah nong lak hi. Nangma omna munah lungdamna lianpi om a, nangma taklamah nop tawntungnate a om hi.

JOB (Job) 18:18

A nungtate’ gam panin amah kihawlkhia ding a, khuavakna mun panin khuamialna-ah kihawlkhia ding hi.

Late 73:24

Thulahna tawh keimah nong makaih a, a nung ciangin minthanna munah na hong tunpih ding hi.

Paunak 14:33

Thungaihsun theite’ sungah pilna teng a, mihaite in pilna thei kha lo uh hi.

Paunak 5:22

Migilo pa’ mawhna thangzak bang hi a, ama mawhna thang sung mahah amah a awk hi.

Paunak 11:5

Thumanna in midikte’ nuntakna a nuamzaw-in piangsak a, migilote in amau’ gitlohna mah puklawh uh hi.