Paunak 14:26 - Tedim Bible

²⁶ Topa a zahtak mi in lungmuanna nei a, a tate’ belhtheih ding mi kician ahi hi.

Tedim Bible Revision 2017

²⁶ Topa a zahtak mi in lungmuanna nei a, a tateʼ belh theih ding mi kician ahi hi.

Paunak 14:26 Referans Kwoze

Paunak 19:23

Topa a zahtakte a khansau a, lungkim takin nuamsa-in om uh a, siatna bangmah tuak kha lo uh hi.

Paunak 18:10

Topa’ min pen tausang muanhuai tawh kibang a, thuman mite in belin lungmuangin om thei uh hi.

Isaiah 33:6

Amah pen nangma hunte a kipna, hotkhiatna a kicinna, pilna le theihna hi ding hi. Topa kihtakna pen ama sumgum hi ding hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Late 112:1

Topa phat un. Topa zahtakin a thupiaknate nuam a sa mahmah mi, thupha ngah mi ahi hi.

Sawltak 9:31

Tua ahih manin Judea gam, Galilee gam, le Samaria gam sunga om pawlpite in bawlsiatna thuak nawn loin nuamtakin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.

Thuhilh-sia 7:18

A nih tuakin lenkip in. Pasian na zahtak nakleh khat peuhpeuh na zuihna-ah na maa vang ding hi.

Piancilna 31:42

Ka pa’ Pasian, Abraham’ Pasian, le Isaac’ Zahtak pa in kei hong ompih lo hileh, tu-in nangmah in khut hawmguakin kei nong sawlkhia taktak ding hi. Pasian in ka thuakna le ka nasepna mu a, zan zanin nang hong thuhilh hi,” a ci hi.

Jeremiah 15:11

Topa aw, amaute’ hoih nadingin nang tungah kong thumsak kei a, gimna le haksatna hun ciangin ka galte a dingin nang’ tungah kong ngetsak kei leh tua amau’ hong hamsiatnate kei’ tungah hong tung ta hen!

Paunak 14:27

Topa zahtakna pen nuntakna tuinak tawh kibang a, sihna thang tawh hong kipelhsak hi.

Paunak 20:7

Mi khat thumanin a hoihin a nuntak leh ama suanlekhakte mi hampha ahi uh hi.