Paunak 14:2 - Tedim Bible

² Thumanin a gamta mite in Topa zahtak uh a, a sia-in a gamta mite in Topa simmawh uh hi.

Tedim Bible Revision 2017

² Thumanin a gamta mite in Topa zahtak uh a, a sia-in a gamta mite in Topa simmawh uh hi.

Paunak 14:2 Referans Kwoze

Sawltak 10:35

kua mi kua mi hitaleh amah zahtakin a manin a gamta mi khempeuh a sanna thu teltakin ka thei hi.

Paunak 28:6

Hau napi-in lungsimkawi mi hihna sangin zawng napi-in paubaan neih lohna hoihzaw hi.

Late 112:1

Topa phat un. Topa zahtakin a thupiaknate nuam a sa mahmah mi, thupha ngah mi ahi hi.

JOB (Job) 28:28

“Tua ciangin amah in mihingte tungah thu genin, ‘Topa zahtakna, pilna hi a, siatna pelhna pen thutheihna hi,’ ci hi,” a ci hi.

Sawltak 9:31

Tua ahih manin Judea gam, Galilee gam, le Samaria gam sunga om pawlpite in bawlsiatna thuak nawn loin nuamtakin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.

Thuhilh-sia 12:13

Hih thute khempeuh banah gen ding thu khat bek om hi. Mihing hong kipiansakna a thu bulpi pen in: Pasian zahtakna le a thupiakte manna ahi hi.

Late 25:21

Nang hong muang ka hih manin, kicinna le thutanna in kei hong kem tahen.

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zaktheih nadingin a inn-ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Luka 16:14

Sum a deih phadiak Farisi mite in hih thute a zak uh ciangin Jesuh a nuihsan uh hi.

Luka 10:16

Tua ciangin Jesuh in a nungzuite kiangah, “Note’ thu a hong zuite khempeuh, kei’ thu a hong zui hi a, note’ thu a hong zui lote khempeuh, kei’ thu a hong zui lo ahi uh hi. Kei’ thu a hong zui lote khempeuh pen kei a hong sawl pa’ thu a zui lo ahi uh hi,” a ci hi.

Paunak 19:1

Zuau genin mihai hihna sangin citakin zawn’ khiukheuna hoihzaw hi.

Paunak 16:17

Mihoihte in siatna tawh a kipelh ding lampi tawn uh a, a lampi tot ding limtakin a ngaihsun mi in a nuntakna a hu ahi hi.

Paunak 11:12

Simmawhna tawh midang hopihna pen haina hi a, mipilte pau loin om dide hi.

Paunak 2:15

mi lungsim kawi, muan theih loh ding mite panin nang hong kem ding hi.

JOB (Job) 1:1

Uz gamah Job kici min nei mi khat a om hi. Tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah peel hi.

1 KUMPI MASATE 3:6

Solomon in, “Na nasem ka pa David’ tungah a lian itna kip na lak hi. Bang hang hiam cih leh cihtakna, thumanna tawh nangma mai-ah gamta-in, nangma tungah lungsim thutang hi. Nangmah in ama a dingin hih a lian itna kip koihsakin, tuni-in ama tokhom tungah a tu ding tapa khat na pia hi.

JOB (Job) 12:4

Ka lawmte nangawn in tu-in kei hong nuihsan uh a, kei dikin paubaang lo napi hong nuihsan uh hi. Ahi zongin Pasian in ka thungetna a hong piak hun om hi.

2 SAMUEL NIHNA 12:9

Ama muhna-ah a sia a gamta dingin bang hangin Topa’ thu simmawh na hi hiam? Nangmah in Hit mi Uriah namsau tawh vatin, ama zi nangma zi dingin na la a, Ammon mite’ namsau tawh amah na that khin hi.

2 KUMPI NIHNATE 17:34

Tuni dongin amaute in a nidanga ngeina bangin gamta uh hi. Amaute in Topa bia lo uh hi. Israel min a phuah Jakob’ suante’ Topa in a thupiak thukhamte ahi a, ngeina kipte ahi a, zuih ding ngeinate ahi a, a thupiakna ahi zongin amaute in zui lo uh hi.

Paunak 16:6

Thumanna le cihtakna mawhmai ngahna hi a, Topa zahtakna siatna tawh kipelhna ahi hi.