Paunak 14:17 - Tedim Bible

¹⁷ A lungtom mite hai gamtat a, mipilte lungduai hi.

Tedim Bible Revision 2017

¹⁷ A lung tom mite hai gamtat a, mipilte lungduai hi.

Paunak 14:17 Referans Kwoze

Paunak 14:29

A lungduaite mipil hi a, lungtomna pen haina kilatna ahi hi.

Paunak 29:22

A heh pahpahte in kitotna piangsak a, a heh baihte khial thei tawntung hi.

Jeim 1:19

Sanggamte aw, note in na theih ding uh ka deih thu in: Thu kigen khempeuh hoihtakin ngai pahpah un. Ahi zongin pau pahpah kei unla, heh pakpak kei un.

Thuhilh-sia 7:9

Heh pahpah kei in; hehna a haihuai ahi hi.

Paunak 15:18

Lungtomna in kitotna piangsak a, lungduaina in kilemna piangsak hi.

Paunak 22:24

A hehbaih mite tawh kipawl kei unla, a lungtom mite tawh kikhawl kei un.

Paunak 16:32

Thahatna sangin lungduaina hoihzaw a, khuapi khat ukzawhna sangin eimah ki-ukzawhna hoihzaw hi.

Isaiah 32:7

Mi ginalo’ ginat lohna siahuai mahmah hi. Zuauna kam tawh mizawngte a siasak ding le mi cimawhte’ thu a thuman ciang nangawnin a siasak dingin amah in gitloh nasepna a bawl hi.

Paunak 12:16

Mihaite in a hehna uh langsakpah uh a, mipilte in a hehna uh ipzo hi.

Paunak 12:2

Mihoihte in Topa’ maipha ngah a, siatna a gamtate amah in a mawhsak hi.

Paunak 6:18

thusia bawl ding ngaihsutna, gamtatsiat ding a manlangte,

Esther 3:6

Amah in Mordekai’ mipihte a theih ciangin amah bek suktaak sa lo a, Ahasueras’ kumpi gam sung khempeuhah a om Jew mi khempeuh, Mordekai le a minam buppi-in a suksiat theih nading lampi a zong hi.

2 KUMPI NIHNATE 5:12

Israel tuite khempeuh sangin Damaskas gam a om Abana le Farpar gun tuite hoihzaw hi lo ahi hiam? Tuate’ sungah kisilin siang thei lo ding ka hi hiam?” a ci hi. Tua ahih ciangin amah kihei-in paikhia hi.

Paunak 14:16

Mipilte kidawmin siatna panin kihem a, mihaite in thu ngaihsun masa loin gamta pahpah hi.

Paunak 14:18

Mihaite in haina bek mah ngah a, mipilte in pilna mah ngah thuah hi.

Paunak 20:3

Kitot khak ding pelhna in pahtak ngahna hi a, mihaite bek kitot ding ut uh hi.