Paunak 14:11 - Tedim Bible

¹¹ Migilote’ inn kisusia ding a, thuman mite’ inn kipin gina semsem ding hi.

Tedim Bible Revision 2017

¹¹ Migiloteʼ inn kisusia dinga, thuman miteʼ inn kipin gina semsem ding hi.

Paunak 14:11 Referans Kwoze

Paunak 3:33

Topa in migilote’ innsung samsia a, thuman mite’ innsung thupha a pia hi.

Paunak 12:7

Migilote in sihna tuakin cimang a, thuman mite nungta-in khang kizom hi.

Zekhariah 5:4

Vanglian Topa in hih samsiatna a khahkhiatna ding thu gen a, guta mite khempeuh le a man loin ka min tawh thuciam mite khempeuh’ inn sungah lut ding hi. Tua bang mite’ inn sungah a tawntungin hamsiatna omin, amaute a kipan a sing a suang, a vekpi-in sumai ding hi,” hong ci hi.

Paunak 21:12

Pasian in migilo pa’ inn sungah a kisem khempeuh mu tel a, migilote lawnthalin a siasak hi.

JOB (Job) 21:28

Siatna a gamta, mi lianpa’ inn, koi-ah omta ahi hiam, na ci uh hi.

Paunak 21:20

Mipil pa’ inn sungah neihlelam a dimin om a, ahi zongin mihai pa in a ngahzahzah zangkhia pah hi.

Paunak 11:28

Tuk lai-a singteh tam bangin midikte’ hauhna khang ding a, phalbi lai-a singteh pulh bangin hauhna a suangte kiam ding uh hi.

JOB (Job) 8:15

A inn tungah kingam a, a inn hoi hi. A inn lencip a, ahi zongin kip zo lo hi.

Late 128:3

Nangma inn sungah na zi, a gah pha mahmah leenggui tawh kibang ding a, na sabuai kiimah a tu na tate, oliv no dawng hilhhelh tawh kibang ding uh hi.

JOB (Job) 18:21

Migilote, Pasian a ngaihsun lote a thutawpna uh tu-a bang ahi hi,” a ci hi.

JOB (Job) 15:34

Bang hang hiam cih leh Pasian a ngaihsun lote mi cimang suak a, sumgolh tawh a kilam innte mei in kangtum hi.

JOB (Job) 8:6

nang dikin thutang kisa mahmah na hih leh pel loin amah in nang hong en ding a, na thumanna tawh kizui-in thaman hong pia ding hi.

Paunak 15:25

Topa in mi kiphasakte’ inn phelkhiatsak a, meigongte’ neihsa hutpih hi.

JOB (Job) 8:22

Nang hong mudahte in maizumna ngah ding uh a, migilote’ puanbuk maimang ding hi,” a ci hi.

Late 37:10

Ahih hangin tawlkhat sungin migilo pa om nawn lo ding a, ama omna mun na lim zon mahmah hangin tua lai-ah amah na om lo ding hi.